दोस्तीत कुस्ती | नगरसेवकांनंतर एकमेकांचे प्रकल्प पळवापळवी | कोकणाविरुद्ध लातूरचे आतुर

मुंबई, 06 ऑक्टोबर : राज्यातील महाविकास आघाडी सरकारमध्ये प्रकल्प पळवापळवीचं काम सुरु आहे. सिंधुदुर्गातील प्रकल्प काँग्रेसचे मंत्री पळवत असल्याचा आरोप शिवसेनेचे खासदार विनायक राऊत यांनी केला आहे. सिंधुदुर्ग जिल्ह्यातील आडाळी गावात इन्स्टिट्यूट ऑफ मेडिसीन रिसर्च प्रकल्प होत आहे. त्यासाठी एमआयडीसीने ६० एकर जागा देखील इन्स्टिट्यूट ऑफ मेडिसिन रिसर्चला दिली आहे. हा प्रकल्प सिंधुदुर्ग ऐवजी लातूरला व्हावा अशी वैद्यकीय शिक्षणमंत्री अमित देशमुख यांची इच्छा आहे. त्यासाठी अमित देशमुख प्रयत्नशील आहेत. यावरुन विनायक राऊत यांनी अमित देशमुख यांच्यावर बोचरी टीका केली आहे. अमित देशमुख यांनी स्वर्गीय वडिलांकडून काही गुण घ्यावेत, असा सल्ला विनायक राऊत यांनी दिला आहे.

केंद्र सरकारचा नॅशनल इन्स्टिट्यूट ऑफ मेडिसिनल प्लांट हा प्रकल्प दोडा मार्गमधील आढाळी भागात उभारण्यात येणार आहे. “आयुष मंत्रालयाकडून कोकणाला यासाठी मंजुरी मिळाली आहे, यासंदर्भात अभिप्राय मागवला असताना अचानक हा प्रकल्प लातूरला हलवा, अशी मागणी काँग्रेसचे मंत्री अमित देशमुख यांनी केली. सिंधुदुर्गाच्या वाट्याला येणारा प्रकल्प पळवून नेण्याच्या प्रयत्नाचा आम्ही तीव्र शब्दात धिक्कार करतो. कोकणातले असे अनेक प्रकल्प पळवण्याचे प्रयत्न झाले आहेत,” अशा शब्दात विनायक राऊत यांनी अमित देशमुख यांच्यावर हल्लाबोल केला.

विनायक राऊत पुढे म्हणाले की, “हा प्रकल्प कोकणातच होणार असल्याचं आश्वासन मुख्यमंत्र्यांनी दिलं आहे. प्रकल्प पळवण्याचा प्रयत्न कोण करत असेल तर आम्ही मेलेल्या आईचं दूध प्यायलो नाही. आतापर्यंत कोकणाला न्याय मिळत नव्हता. पण आता मुख्यमंत्री उद्धव ठाकरे कोकणाला बदलत आहेत. जर हा प्रकल्प कोण पळवण्याचा प्रयत्न करत असेल तर तो हाणून पाडू.”

या प्रकल्पाचे अभिप्राय राज्य सरकारकडून मागितलेले आहेत. दरम्यान, स्थानिक पातळीवर तयारी झाली असताना तसंच अभिप्राय तयार झालेला असताना अचानकपणे हा प्रकल्प लातूरला तु्म्ही द्या, असं मंत्र्यांच्या सहीने राज्य सरकारकडून केंद्राला पत्र पाठवण्यात आलं. मी राज्याचे वैद्यकीय शिक्षणमंत्री अमित देशमुख यांच्या भेटीसाठी अनेकवेळा प्रयत्न केले. पत्र देखील पाठवलं. मात्र, आम्हाला एकदाही भेट दिली नाही. परस्पर अशा पद्धतीने प्रकल्प पळवणं हे त्यांना शोभा देणारं नाही, असं विनायक राऊत म्हणाले.

News English Summary: Shiv Sena MP Vinayak Raut has criticized state medical education minister Amit Deshmukh for demanding that the Konkan project be shifted to Latur. Also, in Mahavikas Aghadi, the seniors should mediate so that the project does not go awry so that there is coordination, said Vinayak Raut. But dissent in the Thackeray government has once again surfaced from the National Institute of Medicinal Plants.

News English Title: Shivsena has alleged that the project in Sindhudurg was being hijacked by a congress minister Amit Deshmukh Marathi News LIVE latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.