आज राज्यात ९,१८१ नव्या कोरोना रुग्णांची नोंद | २९३ रुग्णांचा मृत्यू

मुंबई, १० ऑगस्ट : आज दिवसभरात राज्यात ९ हजार १८१ नवे कोरोना रुग्ण आढळले आहेत. तर एका दिवसात २९३ कोरोनाबाधितांचा मृत्यू झाला आहे. राज्यात कोरोना रुग्ण वाढण्याचं प्रमाण सतत वाढतं आहे. परंतु यात एक दिलासादायक बाब म्हणजे कोरोनाग्रस्त बरे होण्याचं प्रमाणही सतत वाढतं आहे. आज एका दिवसात राज्यात ६ हजार ७११ रुग्ण कोरोनामुक्त झाले असून त्यांना घरी सोडण्यात आलं आहे.

9,181 new #COVID19 positive cases, 6,711 discharges and 293 deaths have been reported in Maharashtra today. Total number of cases now at 5,24,513 including 1,47,735 active cases, 18,050 deaths and 3,58,421 recoveries: State Health Department pic.twitter.com/zvqwpulIme

— ANI (@ANI) August 10, 2020

मागील २४ तासात ६ हजार ७११ रुग्ण बरे होऊन घरी गेले आहेत. आत्तापर्यंत ३ लाख ५८ हजार ४२१ रुग्णांना डिस्चार्ज मिळाला आहे. त्यामुळे राज्यातील रुग्ण बरे होण्याचे प्रमाण अर्थात रिकव्हरी रेट हा ६८.३३ टक्के झाला आहे. मागील २४ तासांमध्ये ९ हजार १८१ नवे रुग्ण आढळले आहेत. राज्यात मागील २४ तासात २९३ रुग्णांचा मृत्यू झाला आहे. राज्यातील मृत्यू दर हा ३.४४ टक्के झाला आहे. आजपर्यंत तपासण्यात आलेल्या २७ लाख ७३ हजार ५२० रुग्णांच्या नमुन्यांपैकी ५ लाख २४ हजार ५१३ नमुने पॉझिटिव्ह आले आहेत. सध्या राज्यात १० लाख १ हजार २६८ व्यक्ती होम क्वारंटाइन आहेत तर ३५ हजार ५२१ व्यक्ती संस्थात्मक क्वारंटाइन आहेत.

News English Summary: Today, 9,181 new corona patients have been found in the state. In one day, 293 corona virus have died. The number of corona patients in the state is steadily increasing.

News English Title: 9181 New Covid19 Positive Cases 6711 Discharges And 293 Deaths Have Been Reported In Maharashtra Today News latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.