राज्यातील बार, मॉल सुरू मग मंदिरे का बंद ? । देवेंद्र फडणवीसांची ठाकरे सरकारवर टीका

पंढरपूर, १७ ऑगस्ट | राज्य सरकारकडून मंदिरे का बंद ठेवली जातात, हा प्रश्न आहे. राज्यातील बारमध्ये तसेच मॉलमध्ये जितकी गर्दी होते. त्यापेक्षा कमी गर्दी मंदिरात होते. सुरक्षित अंतर ठेवून मंदिर खुले होऊ शकतात, असे मत विरोधी पक्षनेते देवेंद्र फडणवीस यांनी पंढरपुरात पत्रकारांशी बोलताना व्यक्त केले.

मंदिरावर अवलंबून असलेल्या कुटुंबांचा विचार करावा:
मंदिरांवर राज्यातील बऱ्याच नागरिकांचे पोट अवलंबून आहे. मंदिर परिसरातील नागरिकांचे अर्थकारण मंदिरावर सुरू होते. गेल्या दोन वर्षापासून राज्यातील मंदिरे बंद आहेत. त्यामुळे मंदिरे बंद असल्याने दुकानदार, पुजारी, सफाई कामगार यांचेवर उपासमारीची वेळ आली आहे. दोन वर्षात सरकारने मंदिर परिसरातील दुकानदारांसाठी एक रुपयाही दिला नाही. राज्यातील दारूची दुकाने खुली आहेत. मात्र मंदिरे बंद का ठेवता, असा सवाल फडणवीस यांनी उपस्थित केला.

शाळा सुरू करण्याबाबत योग्य तो निर्णय घ्यावा:
राज्यातील शाळा सुरू करण्याबाबत राज्य सरकारचा विचार सुरू आहे. त्याबाबत राज्य सरकार पालकांना विश्वासात घेत नाही. त्यांना विश्वासात घेऊन योग्य तो निर्णय करावा. राज्य सरकारच्या बदलत्या धोरणामुळे विद्यार्थ्यांचे पालकही निराश होत आहेत. राज्य सरकारने वस्तुनिष्ठ शाळा सुरू करण्याबाबत निर्णय करावा, असा सल्ला फडणवीस यांनी राज्य सरकारला दिला.

लसीकरण झालेल्या भाविकांसाठी मंदिरं खुली करा:
ज्या शहरांत किंवा जिल्ह्यात कोरोनाचा संसर्ग दर कमी आहे तिथे राज्य शासनाने निर्बंधांमध्ये शिथीलता दिली आहे. त्यानुसार आता हॉटेल, स्पा, जीम, सलून सगळं काही नियम आणि अटींनुसार सुरु करण्याला परवानगी देण्यात आली आहे. अशा परिस्थितीत सगळं खुल केलं मग मंदिर का बंद?, असा सवाल करत लसीकरण झालेल्या भाविकांसाठी मंदिरं खुली करा, अशी मागणीही तुषार भोसले यांनी राज्य शासनाकडे केली आहे. मंदिर उघडण्याचा निर्णय घेताना ठाकरे सरकारच्या हाताला लकवा भरतो. मात्र, आता सगळं काही सुरु झालेलं असताना, शासनाने नियमांमध्ये शिथीलता दिलेली असताना मंदिरं उघडण्याचा निर्णय देतील सरकारने घ्यावा, अशी मागणी त्यांनी केली आहे.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया महाराष्ट्रनामाला न विसरता ‘फॉलो (Follow) ‘ करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल. त्यामुळे आम्हाला नक्की फॉलो करा. महाराष्ट्रनामा नेहमीच वाचकाच्या पसंतीचे आणि निरनिराळ्या पण महत्वाच्या विषयांवरील लेख प्रसिद्ध करण्यास वचनबद्ध आहे. जर तुम्हाला आमचा हा लेख आवडला असेल तर तुमच्या मित्र मंडळीपर्यंत WhatsApp किंवा Facebook च्या माध्यमातून नक्की शेअर करा. तसेच अयोग्यविषयक प्रकाशित / प्रसारित केलेली बातमी /लेख केवळ आपल्या माहितीसाठी असतो. कृपया त्यांच्याशी संबंधित कोणत्याही वापरापूर्वी एखाद्या तज्ञाचा सल्ला घ्या.

News Title: Bars-are open in state then why temples are closed said Devendra Fadnavis news updates.