ठाकरे सरकारविरुद्ध धार्मिक मुद्दे कायम | भाजपकडून अजून एक मागणी

मुंबई, १६ ऑक्टोबर : भाविकांना दर्शनासाठी मंदिरं खुली करावीत या मागणीसाठी भाजपतर्फे राज्यभरात घंटा नाद आंदोलन करण्यात आली होती. पुणे, अहमदनगर, नाशिक, कोल्हापूर, औरंगाबाद, बीडमध्ये भाजप कार्यकर्त्यांनी मंदिर उघडण्याची मागणी करत घंटानाद आंदोलन केलं होतं. त्यावेळी‘दार उघड, उद्धवा दार उघड’ची जोरदार घोषणाबाजीही करण्यात आली होती. राज्यात कोरोना संसर्गाच्या पार्श्वभूमीवर सुरु असलेल्या लॉकडाऊनमुळे धार्मिक स्थळे उघडण्याची परवानगी नाही. मात्र, भाजपने मंदिरं सुरु करण्याची मागणी लावून धरली होती.

लॉकडाऊन शिथील करण्याच्या प्रक्रियेत राज्यभरात दारुच्या दुकानांना अधिकृत परवानग्या देण्यात आल्या. मात्र मंदिरांचं टाळं काही उघडलं नाही, असा आरोप भाजपने केला होता. या आंदोलनात भाजपसह विश्व हिंदू परिषदही सहभागी होती. अखिल भारतीय संत समिती, अखिल भारतीय वारकरी मंडळ, वारकरी महामंडळ, अखिल भारतीय पुरोहित संघ, जय बाबाजी भक्त परिवार यांसह वारकरी, महानुभाव, लिंगायत, जैन, शीख संप्रदायाच्या अनेक संप्रदायांची प्रमुख मंदिरे, गुरुद्वारा, जैन मंदिरे-स्थानक, बौद्ध विहार यांच्या प्रवेशद्वारांसमोर घंटानाद आंदोलन करण्यात आली होती.

त्यानंतर आता भाजपनं रामलीला आयोजनाच्या परवानगीसाठी मुख्यमंत्री उद्धव ठाकरेंना पत्र लिहिलं आहे. राज्यातील मदरसे बंद करण्याच्या मागणी करणारे भाजप आमदार अतुल भातखळकर यांनी आता रामलीला आयोजनास परवानगी देण्याची मागणी केली आहे. भाजप आमदार राम कदम यांनी यासंदर्भात मुख्यमंत्र्यांना पत्र लिहिलं आहे.

Maharashtra: BJP MLA Ram Kadam writes to Chief Minister Uddhav Thackeray seeking permission to celebrate Ram Leela across the state

— ANI (@ANI) October 16, 2020

रामलीला आयोजनास मुभा देण्याची मागणी भाजप आमदार अतुल भातखळकर यांनी केली आहे. ‘राज्यात रामलीलेची मोठी परंपरा आहे. कोरोना काळात रामलीला अतिशय सहज आयोजित केली जाऊ शकते. मुख्यमंत्री उद्धव ठाकरेंनी मंदिरं खुली करण्यास परवानगी दिली नाही. मग आता किमान रामलीला आयोजनास तरी परवानगी द्यावी,’ असं भातखळकर म्हणाले.

हिंदुत्ववादी व रामभक्त म्हणवणाऱ्या मुख्यमंत्र्यांनी बार, रेस्टॉरंट, मॉल व मेट्रोला सुद्धा परवानगी दिली,परंतु मंदिरे अद्याप बंद आहेत.
आता किमान संपूर्ण राज्यातील कोट्यवधी भाविकांच्या श्रद्धेचा विषय असलेल्या घटस्थापना आणि रामलीला उत्सवाला आवश्यक नियमांसह परवानगी द्या. @OfficeofUT pic.twitter.com/3DXNI0c5SG

— Atul Bhatkhalkar (@BhatkhalkarA) October 16, 2020

भातळखकर यांनी मुख्यमंत्री उद्धव ठाकरेंना शिवसेनेचे संस्थापक बाळासाहेब ठाकरे आणि हिंदुत्वाची आठवण करून दिली. ‘उद्धव ठाकरेंनी किमान बाळासाहेब ठाकरेंचं हिंदुत्व लक्षात ठेवायला हवं. बाळासाहेब आज जिवंत असते, तर त्यांनी सर्वप्रथम मंदिरं खुली केली असती आणि त्यानंतर बार, रेस्टॉरंट आणि हॉटेल उघडली असती,’ असं भातखळकर यांनी म्हटलं.

News English Summary: BJP has written a letter to Chief Minister Uddhav Thackeray seeking permission to organize Ramli. BJP MLA Atul Bhatkhalkar, who has demanded closure of madrassas in the state, has now demanded permission for Ramli to organize. BJP MLA Ram Kadam has written a letter to the Chief Minister in this regard.

News English Title: BJP leaders writes to CM Uddhav Thackeray over celebrating Ramleela Shivsena hits back News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.