कोणाच्या मनात सध्या काय चाललंय कसं ओळखावं, अजित पवारांची त्या भेटीवर प्रतिक्रिया

सातारा, २७ जून : सातारा जावळीचे भाजपाचे आमदार शिवेंद्रसिंहराजे भोसले यांनी शनिवारी राष्ट्रवादी काँग्रेसचे अध्यक्ष शरद पवार आणि उपमुख्यमंत्री अजित पवार यांची भेट घेतली. दरम्यान, शिवेंद्रराजे यांनी पवारांची भेट घेतल्याने राजकीय वर्तुळात उलटसुलट चर्चा सुरु झाल्या आहेत. मात्र, पवारांसोबत झालेल्या बैठकीत कोणतीही राजकीय चर्चा झाली नाही, तर रखडलेल्या विकास कामांबाबत चर्चा झाल्याचे शिवेंद्रसिंहराजे यांनी सांगितले.

सातारा येथे एमआय़डीसीमध्ये बजाज कंपनीकडे चाळीस एकर जागा आहे. बजाज यांनी स्वतः कंपनी सुरू करावी किंवा जागा खाली करून दुसऱ्यासाठी द्यावी, अशी मागणी शिवेंद्रसिंहराजे यांनी शरद पवार आणि अजित पवार यांच्याकडे केली आहे.

तत्पूर्वी, विधानसभा निवडणुकीनंतर एका साखर कारखान्याच्या कार्यक्रमात देखील जेव्हा शरद पवार आणि शिवेंद्रसिंहराजे यांची भेट झाली होती त्यावेळी मकरंद पाटील यांनी मध्यस्थी करत शिवेंद्र बाबांना पुन्हा आपल्याकडे घ्या अशा प्रकारची आर्जव केली होती. आज शिवेंद्रसिंहराजे भोसले यांनी अजित पवार यांची घेतलेली भेट राजकीय भेट होती की शहरातील सर्वसामान्य प्रश्नांसंदर्भात भेट होती याबद्दल साता-यामध्ये उलट-सुलट चर्चा सुरु आहेत.

दरम्यान शिवेंद्रसिंहराजे यांच्या देहबोलीवरून ते शरीराने भाजपामध्ये असले तरी मनाने राष्ट्रवादी काँग्रेसमध्येच असल्यासारखे वाटत होते. यावर शिवेंद्रराजेंनी सावध प्रतिक्रिया दिली असली तरी अजित पवार यांनी मात्र कोणाच्या मनात सध्या काय चाललंय कसं ओळखावं अशी सूचक प्रतिक्रिया दिली आहे.

News English Summary: Although Shivendra Raje has given a cautious response, Ajit Pawar has given an indicative response on how to identify what is going on in one’s mind.

News English Title: BJP MLA Shivendra Raje Bhosale Met Sharad Pawar And deputy CM Ajit Pawar News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.