विजयदुर्ग किल्ल्याची पडझड | खा. नारायण राणे यांनी पाहणी केली | केंद्रीय मंत्र्यांची भेट घेणार

कोल्हापूर, ८ ऑगस्ट: कोकणात पडत असलेल्या मुसळधार पावसामुळे विजयदुर्ग किल्ल्याची महत्त्वाची भिंत मंगळवारी ढासळली. गावाकडे तोंड करून असलेल्या या बुरुजाची तळाची बाजू ढासळल्याने आता वरचा बुरूज धोकादायक झाला असून तो केव्हाही कोसळू शकतो. बुरुजाला संरक्षण देण्यासाठी ही भिंत उभारण्यात आली होती, मात्र ही भिंत कोसळली असल्याने या शिवकालीन किल्ल्याच्या तटबंदीला धोका पोहोचण्याची शक्यता वाढली आहे.

याची दखल स्वतः माजी मुख्यमंत्री आणि विद्यमान खासदार नारायण राणे यांनी घेतली आहे. विजयदुर्ग किल्ल्याची पडझड रोखण्यासाठी तात्काळ उपाययोजना करण्याची मागणी खासदार नारायण राणे यांनी केली आहे. या पार्श्वभूमीवर खासदार नारायण राणे यांनी स्वतः विजयदुर्ग किल्ल्याला भेट देऊन इथली पाहणी केली आहे. केंद्र सरकारच्या पुरातत्व विभाग आणि केंद्रीय मंत्री यांच्याशी चर्चा करून विजयदुर्ग किल्याची दुरुस्ती केली जाईल. त्यासाठी लवकरच केंद्रीय मंत्र्यांची भेट घेतली जाणार असल्याची माहिती भाजपचे आमदार नितेश राणे यांनी दिली आहे.

विजयदुर्ग किल्ल्याच्या पडझडीची माजी मुख्यमंत्री खा. नारायण राणे यांच्या समवेत आज पाहणी केली. केंद्र सरकारच्या पुरातत्व विभाग आणि त्केंद्रीय मंत्री यांच्याशी चर्चा करून विजयदुर्ग किल्याची दुरुस्ती केली जाईल. त्यासाठी लवकरच केंद्रीय मंत्र्यांची भेट घेतली जाणार आहे. @YuvrajSambhaji pic.twitter.com/fnKi1fi55A

— nitesh rane (@NiteshNRane) August 8, 2020

तत्पूर्वी खासदार संभाजी राजेंनी देखील केंद्रीय मंत्री प्रल्हाद पटेल यांची भेट घेतली होती आणि ‘स्वराज्यात आरमाराचे व समुद्री किल्ल्यांचे महत्व सांगून हा अनमोल ठेवा जतन करण्यासाठी लवकरात लवकर प्रयत्न करावेत,’ अशी मागणी त्यांनी यावेळी केली होती.

News English Summary: MP Narayan Rane himself has visited Vijaydurg fort and inspected it. The Vijaydurg fort will be repaired in consultation with the Archaeological Department of the Central Government and the Union Minister. BJP MLA Nitesh Rane has informed that Union Ministers will be met soon for this.

News English Title: BJP MP Narayan Rane visited Vijaydurg Fort important wall collapsed News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.