उत्तर महाराष्ट्र कोअर कमिटीच्या बैठकीला एकनाथ खडसेंची दांडी

जळगावः भारतीय जनता पक्षातील पक्षांतर्गत गटबाजीच्या पार्श्वभूमीवर आज जळगावात प्रदेशाध्यक्ष चंद्रकांत पाटील यांच्या उपस्थितीत उत्तर महाराष्ट्र कोअर कमिटीची बैठक होत आहे. निर्धारित वेळेपेक्षा तब्बल दोन तास उशिराने सुरू झालेल्या या महत्त्वपूर्ण बैठकीला भारतीय जनता पक्षाचे नाराज नेते एकनाथ खडसे यांनी अनुपस्थिती आहे.

दरम्यान, एकनाथ खडसेंनी या बैठकीला दांडी मारली की काय? अशी चर्चा सुरू आहे. एकनाथ खडसे हे विधानसभा निवडणुकांपासून पक्षातील नेतृत्वावर आपली नाराजी दर्शवत आहेत. मात्र, मी भारतीय जनता पक्षामध्येच आहे अन् राहीन असेही ते ठणकावून सांगत आहे. दोन दिवसांपूर्वीच एकनाथ खडसेंनी पंकजा मुंडेंची भेट घेऊन ओबीसी नेत्यांच्या भेटीगाठीचं समर्थन केलंय. तसेच, मुख्यमंत्री देवेंद्र फडणवीस यांनाही नाव न घेता लक्ष्य केलं आहे.

पंकजा मुंडे आणि रोहिणी खडसे यांना पक्षातील नेत्यांनीच पाडलं, असा आरोप एकनाथ खडसे यांनी काही दिवसांपूर्वी केला होता. त्याला उत्तर देताना, भारतीय जनता पक्षाधील पाडापाडी करणाऱ्या नेत्यांची नावं जाहीर कराच, असं खुलं चॅलेंज गिरीश महाजन यांनी एकनाथ खडसेंना दिलं होतं. त्यामुळे खडसे काय भूमिका घेणार, याकडे सर्वांचं लक्ष लागलं होतं.

BJP Senior Leader Eknath Khadse Absent in BJP’s North Maharashtra Core Committee Meeting at Jalgaon

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.