ऑक्सिजन गळती दुर्घटनेच्या १० दिवसांनी नाशिकमध्ये प्रकटलेले, पण चंद्रकांतदादा म्हणाले फडणवीस आणि मी....

पुणे, १५ मे | कोरोनाच्या संपूर्ण संकटकाळात विरोधी पक्षनेते देवेंद्र फडणवीस आणि माझ्याइतकं काम राज्यातील इतर कोणत्याच नेत्याने केलं नाही, असे वक्तव्य भारतीय जनता पक्षाचे महाराष्ट्र प्रदेशाध्यक्ष चंद्रकांत पाटील यांनी केले. आम्ही कोरोनाच्या काळात सतत फिरत आहोत. आमच्या दोघांइतकं कोणताच नेता फिरला नसेल, असे चंद्रकांत पाटील यांनी म्हटले.

आज शनिवारी पुण्यात प्रसारमध्यमांशी त्यांनी संवाद साधला त्यावेळी यावर भाष्य केले. यावेळी त्यांनी लसीकरणाचे ग्लोबल टेंडर, मराठा आरक्षण आणि राज्यातील कोरोना परिस्थिती अशा विविध विषयांवर भाष्य केले. केंद्र सरकारने परदेशी लसींना अद्याप परवानगी न दिल्याने महाराष्ट्र सरकारची लस खरेदी रखडल्याचे अजित पवार म्हणतात. परंतु, मुळात लसींना परवानगी नसताना त्यांनी ग्लोबल टेंडर हा शब्द उच्चारलाच कसा?, असा सवाल चंद्रकांत पाटील यांनी उपस्थित केला. तसेच मुंबई महानगरपालिकेप्रमाणे पुणे पालिकेला ग्लोबल टेंडरच्या माध्यमातून लस खरेदीसाठी परवानगी दिली जात नसल्याच्या भारतीय जनता पक्षाच्या नेत्यांच्या आरोपात तथ्य असल्याचेही चंद्रकांत पाटील यांनी सांगितले.

एकीकडे चंद्रकांत पाटील असे दावे करत असले तरी वास्तविक ज्या नाशिक महानगरपालिकेत भाजपाची सत्ता आहे, त्याच महानगरपालिकेत २१ एप्रिल रोजी ऑक्सिजन गळतीने अनेक निरपराध कोरोना रुग्णांचा गुदमरून मृत्यू झाला होता. मात्र ज्या नाशिकला फडणवीसांनी काही वर्षांपूर्वी दत्तक घेतलं होतं, त्याच नाशिकमध्ये इतकी भीषण घडल्यानंतर देखील तब्बल १० दिवसांनी नाशिकमध्येच प्रकटले होते. वातावरण गरम झाल्याने त्यांनी दूर राहणं पसंत केल्याचं म्हटलं गेलं. मात्र ३० एप्रिलला जेव्हा ते नाशिकला गेले तेव्हा इस्पितळातील रुग्णांच्या नातेवाईकांनी त्यांना चांगेलच झापले होते, पण त्यांना लांबूनच सुगावा लागल्याने त्यांनी पळ काढल्याचे व्हिडिओ सर्वत्र व्हायरल झाले होते.

News English Summary: BJP is in power in Nashik Municipal Corporation. In the same corporation, on April 21, many innocent Corona patients were suffocated to death due to oxygen leakage. However, the same Nashik which was adopted by Fadnavis a few years back, was revealed in Nashik even after 10 days even after such a horrible incident. It was said that he preferred to stay away as the weather was hot. However, when he went to Nashik on April 30, the relatives of the patients in the hospital had given him a good night’s sleep, but the video of his escape had gone viral.

News English Title: BJP state president Chandrakant Patil criticized Mahavikas Aghadi govt over corona pandemic news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.