सुजय विखे पाटील यांनी रेमडेसिव्हीर कशी आणली माहिती सादर करा, कोर्टाचे आदेश | CCTV फुटेजहि मागवले

मुंबई, ३० एप्रिल | रेमडेसिव्हीरचे 300 इंजेक्शन थेट दिल्लीहून मागवल्यामुळे भाजप खासदार सुजय विखे यांच्या अडचण्याची शक्यता आहे. रेमडेसिव्हीर इंजेक्शनसाठी शिर्डी विमानतळ येथे उतरवण्यात आलेल्या खासगी विमानाची माहिती सादर करण्याचे आदेश उच्च न्यायालयाच्या औरंगाबाद खंडपीठाने दिले आहेत. ही माहिती गृह विभागाचे मुख्य सचिव सादर करतील. दिल्लीवरुन रेमडेसिव्हीर इंजेक्शन आणल्याप्रकरणी सुजय विखे पाटील यांच्याविरोधात औरंगाबाद हायकोर्टात याचिका दाखल करण्यात आली आहे. अरुण कडू आणि इतर तीन जणांनी ही याचिका दाखल केली आहे. याच याचिकेवर सुनावणी करताना न्यायालयाने वरील आदेश दिले. या प्रकरणावर पुढील सुनावणी 3 मे रोजी होईल.

सुजय विखे यांनी दिल्लीहून रेमडेसिव्हीर इंजेक्शन आणल्याप्रकरणी उच्च न्यायालयाच्या औरंगाबाद खंडपीठात आज (29 एप्रिल) सुनावणी घेण्यात आली. सुनावणीदरम्यान 10 एप्रिल 2021 ते 25 एप्रिल 2021 या काळात शिर्डी विमानतळ येथे आलेल्या एका खासगी विमानाची माहिती सादर करण्याचे आदेश कोर्टाने दिले. तसेच विमानतळ आणि परिसरातील CCTV TV फुटेजसुद्धा सादर करावेत असे राज्याच्या गृह विभागाचे प्रधान सचिव यांना कोर्टाने सांगितले.

यावेळी याचिकाकर्त्यांच्या वकील प्रज्ञा तळेकर यांनी याचिकाकर्त्यांची बाजू मांडली. त्यांनी सुजय विखे यांनी प्रसारित केलेल्या व्हिडीओ क्लिप न्यायालयात सादर केल्या.

Bombay High Court Directs Police To Trace Out Remdesivir Boxes Unloaded By BJP MP Sujay Vikhe Patil @CourtUnquote https://t.co/Fqcu1v7R4M

— Live Law (@LiveLawIndia) April 29, 2021

दरम्यान, मागील काही दिवसांपासून गंभीर प्रकृती असलेल्या कोरोना रुग्णांसाठी रामबाण औषध ठरत असलेल्या रेमडेसिविर इंजेक्शनबाबत एक धक्कादायक माहिती समोर आली आहे. रायगडमध्ये या इंजेक्शनच्या वापरामुळे अनेक रुग्णांवर दुष्परिणाम झाले आहेत. त्यामुळे अन्न आणि औषध प्रशासनाने रायगड जिल्ह्यात तात्काळ रेमडेसिविर इंजेक्शनचा वापर थांबवण्याचे आदेश दिले आहेत.

News English Summary: BJP MP Sujay Vikhe is likely to face difficulties as he has ordered 300 injections of Remedesivir directly from Delhi. The Aurangabad bench of the high court has directed to submit the details of the private plane that landed at Shirdi airport for remedial injection.

News English Title: Bombay High Court directs police to trace out remdesivir boxes unloaded by BJP MP Sujay Vikhe Patil news updates.