स्थानिकांना रोजगार द्या | मनसेकडून गाड्या, जेसीबी, सीसीटीव्हीची तोडफोड

चंद्रपूर, १७ फेब्रुवारी: सरकारी कोळसा कंपनी WCL अंतर्गत काम करणाऱ्या GRN कंस्ट्रक्शन कंपनीच्या कार्यालयात राज ठाकरे याच्या महाराष्ट्र नवनिर्माण सेनेने आज (17 फेब्रुवारी) तोडफोड केली.

स्थानिकांना रोजगार दिला जात नसल्याच्या मुद्द्यावरून हा राडा घालण्यात आला . वेळी मनसेच्या कार्यकर्त्यांनी जीआरएन कार्यालयातील सामानाची मोडतोड करत कंपनी प्रशासनाविरोधात जोरदार घोषणाबाजी केली.

मिळालेल्या माहितीनुसार सरकारी कोळसा कंपनी WCL च्या भटाळी क्षेत्रांतर्गत GRN ही कंस्ट्रक्शन कंपनी कोळसा खोदण्याचे काम करते. या कंपनीमध्ये स्थानिकांना रोजगार दिला जात नसल्याचा आरोप येथील कामगारांनी तसेच या भागातील नागरिकांनी केला होता. या मुद्द्यावरुन मनसेने जीआरएन कंस्ट्रक्शन कंपनीच्या अधिकाऱ्यांकडे अनेकवेळा चौकशी केली. त्यासाठी अनेकदा निवेदनही दिले. मात्र, जीआरएन या कंपनीच्या प्रशासनाने मनसे तसेच स्थानिकांच्या मागणीवर कोणतीही कार्यवाही केली नाही. परिणामी महाराष्ट्र नवनिर्माण सेनेने तोडफोडीचा आक्रमक पवित्रा घेतला.

News English Summary: Raj Thackeray’s Maharashtra Navnirman Sena today (February 17) vandalised the office of GRN Construction Company, which operates under state-owned coal company WCL. The Radha was held on the issue of not providing employment to the locals.

News English Title: Chandrapur MNS vandalised the vehicles office and CCTV of GRN construction company news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.