मराठा आरक्षणाच्या प्रश्नाबाबत माझी भूमिका लवकरच जाहीर करेन - छत्रपती संभाजीराजे

कोल्हापूर, १८ मे | मराठा आरक्षणाच्या मुद्द्यावरून राज्यातील वातावरण तापायला लागले असतानाच आता छत्रपती संभाजीराजे यांनी एक ट्विट केले आहे. या ट्विटमध्ये संभाजीराजे यांनी आपण मराठा आरक्षणाच्या मुद्द्यावर लवकरच भूमिका मांडणार असल्याचे सांगितले आहे. त्यामुळे आता संभाजीराजे आरक्षणासाठी सामोपचाराची का सरकारविरुद्ध एल्गार करण्याची भूमिका घेणार, याकडे सर्वांचे लक्ष लागले आहे.

#मराठा_आरक्षण प्रश्नाबाबत माझी भूमिका लवकरच जाहीर करेन….

— Sambhaji Chhatrapati (@YuvrajSambhaji) May 18, 2021

मागील काही दिवसांमध्ये मराठा आरक्षणाच्या मुद्द्यावरुन राज्यातील वातावरण सातत्याने तापताना दिसत आहे. मराठा नेत्यांनी राज्यभरात मोर्चे काढण्याची तयारी सुरु केली आहे. त्यामुळे राज्य सरकारवर दबाव वाढायला सुरुवात झाली आहे. अशावेळी छत्रपती संभाजीराजे काय भूमिका घेतात, याकडे सर्वांच्या नजरा लागल्या आहेत.

सुप्रीम कोर्टाने मराठा आरक्षण रद्द करण्याचा निर्णय दिल्यानंतर प्रतिक्रिया देताना संभाजीराजे म्हणाले होते कि, “मराठा समाजासाठी हा दिवस दुर्दैवी दिवस आहे. हा निर्णय दुर्दैवी आहे. सर्व सरकारांनी त्यांची बाजू मांडली आहे. मागील सरकारनं कायदा मंजूर केला. सगळ्यांनी बाजू मांडली. मात्र, शेवटी निकाल हा निकाल असतो. २००७ पासून प्रामाणिकपणांन लढतोय. सध्याची परिस्थिती वाईट आहे. कोरोनामुळं लोक मरत आहेत. सर्वोच्च न्यायालयाच्या निर्णयाचा आदर केला पाहिजे. आपलं काम प्रयत्न करणार आहे. केंद्र आणि राज्य सरकारनं यातून मार्ग निघतोय का हे पाहावं. यावर अभ्यास होणं गरजेंचं आहे. केंद्र सरकारनं देखील यात लक्ष घालण्याची गरज आहे”, अशीही अपेक्षा संभाजीराजेंनी त्यावेळी व्यक्त केली होती.

News English Summary: While the atmosphere in the state is heating up over the issue of Maratha reservation, now Chhatrapati Sambhaji Raje has sent a tweet. In this tweet, Sambhaji Raje has said that he will soon present his position on the issue of Maratha reservation. So now everyone is wondering why Sambhaji Raje will take the role of sympathy for reservation against the government.

News English Title: Chhatrapati Sambhaji Raje will clear his stand on Maratha reservation news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.