अनु 'वाद' तुटला, महाराष्ट्राच्या राज्यपालांचं अभिभाषणं थेट गुजराती भाषेत.

मुंबई : महाराष्ट्राच्या इतिहासात पहिल्यांदाच राज्यपालांच अभिभाषण मराठीऐवजी गुजराती भाषेतील अनुवाद सभागृहातील आमदारांच्या कानावर पडला. मुख्यमंत्र्यांनी मागितली असली तरी विरोधकांनी संताप व्यक्त करत पहिल्याच दिवशी सभात्याग केला.

मुख्यमंत्री सभागृहाची माफी मागून पुढे म्हणाले की हा विषय सभापतींच्या अखत्यारीतला असला तरी दोषींची गय केली जाणार नाही. आज संध्याकाळपर्यंत जवाबदार व्यक्तींवर कारवाई करून त्यांना घरी पाठवण्यात यावं.

आज सभागृहात राज्यपालांच्या अभिभाषणाला सुरुवात होताच, राज्यपालांचे हे अभिभाषण सभागृहातील उपस्थित आमदारांना थेट गुजराती भाषेतून ऐकायला मिळाले असा आरोप धनंजय मुंडे यांनी केला. नंतर या सगळ्या लाजिरवाण्या प्रकारानंतर विरोधकांनी सभागृहात प्रचंड गदारोळ केला. परंतु झालेल्या प्रकारानंतर मुख्यमंत्री देवेंद्र फडणवीसांनी माफी मागितली असून राज्यपालांना घडल्या प्रकारची चौकशी करण्याची सूचना केली आहे.

सभागृहात नक्की घडलं काय ?

अर्थसंकल्पीय अधिवेशनाची सुरुवात ही नेहमी राज्यपालांच्या अभिभाषणाने होते. परंतु राज्यपाल जेव्हा अभिभाषण इंग्रजी मध्ये करतात तेव्हा त्या इंग्रजी अभिभाषणाचा मराठीत अनुवाद केला जातो. परंतु इतकी वर्ष घडत आलेल्या प्रथा आज मोडीत निघाल्या कारण ते अभिभाषण मराठीत नाही तर चक्क गुजरातीत ऐकू आला. परंतु शिक्षणमंत्री विनोद तावडेंच्या ते लक्ष्यात येताच त्यांनी नियंत्रण कक्षाकडे धाव घेत तेथून मराठीत अनुवाद करायला सुरुवात केली. मुख्यमंत्र्यांनी मागितली असली तरी विरोधकांनी संताप व्यक्त करत पहिल्याच दिवशी सभात्याग केला. मुख्यमंत्री सभागृहाची माफी मागून पुढे म्हणाले की हा विषय सभापतींच्या अखत्यारीतला असला तरी दोषींची गय केली जाणार नाही. आज संध्याकाळपर्यंत जवाबदार व्यक्तींवर कारवाई करून त्यांना घरी पाठवण्यात यावं.

राज्यपालांच्या अभिभाषणाचा मराठीत तर अनुवाद होतच नव्हता, त्यापेक्षा हि भयंकर बाब म्हणजे या भाषणाचा अनुवाद गुजरातीत होत होता. #फसवेसरकार #अधीवेशन pic.twitter.com/uKPtWym6KQ

— Dhananjay Munde (@dhananjay_munde) February 26, 2018

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.