माजी खासदार आणि काँग्रेसचे ज्येष्ठ नेते एकनाथ गायकवाड यांचं कोरोनामुळे निधन

मुंबई, २८ एप्रिल | मुंबई कॉंग्रेसचे ज्येष्ठ नेते आणि माजी खासदार एकनाथ गायकवाड यांचं निधन झालं आहे. महाराष्ट्राच्या शालेय शिक्षण मंत्री वर्षा गायकवाड यांचे वडील एकनाथ गायकवाड यांचं कोरोनामुळे निधन झालं आहे. मुंबईच्या ब्रीच कॅंडी रुग्णालयात त्यांच्यावर उपचार सुरु होते. या उपचारादरम्यान त्यांचं निधन झाले आहे.

एकनाथ गायकवाड हे मुंबई काँग्रेसचे माजी अध्यक्ष होते. तसेच त्यांनी राज्य मंत्रिमंडळात त्यांनी मंत्रिपद भूषविलं होतं. काँग्रेसमधील ज्येष्ठ नेते म्हणून त्यांची ओळख होती. सगळ्यात मोठ्या झोपडपट्टी भागावर म्हणजेच धारावीवर त्यांची पकड होती. इतकंच नाही तर एकनाथ गायकवाड यांना दलित चळवळीतील कार्यकर्तेही मानत होते.

.@INCMumbai चे माजी अध्यक्ष पितृतुल्य, मार्गदर्शक व अत्यंत जवळीकीचे, काँग्रेसचे ज्येष्ठ नेते, काँग्रेस विचारांचे पाईक माजी खासदार एकनाथ गायकवाड यांचे निधन अत्यंत दुःखदायक आहे. काँग्रेस पक्षाची व माझी अपरिमित हानी झाली आहे. शब्द कमी पडत आहेत. भावपूर्ण श्रद्धांजली! pic.twitter.com/ewhbV68Ulm

— Sachin Sawant सचिन सावंत (@sachin_inc) April 28, 2021

एकनाथ गायकवाड यांनी दक्षिण मध्य मुंबई मतदारसंघातून शिवसेना नेते आणि लोकसभेचे माजी सभापती मनोहर जोशी यांचा पराभव केला होता. जोशींचा पराभव करून ते जायंट किलर ठरले होते. त्यानंतर दोनवेळा ते दक्षिण मध्य मुंबईतून विजयी झाले होते. मात्र, नंतर शिवसेनेचे नेते राहूल शेवाळे यांनी गायकवाड यांचा पराभव केला होता.

News English Summary: Senior Mumbai Congress leader and former MP Eknath Gaikwad has passed away. Eknath Gaikwad, father of Maharashtra School Education Minister Varsha Gaikwad, has died due to corona. He is undergoing treatment at Breach Candy Hospital in Mumbai. He died during this treatment.

News English Title: Congress leader Eknath Gaikawad passes away due to covid 19 news updates.