मराठा आरक्षणाच्या जल्लोषात 'मुका मोर्चा' म्हणून खिल्ली उडवणारे सामील का? : सचिन सावंत

मुंबई : संपूर्ण राज्याचे लक्ष लागलेल्या मराठा आरक्षणावर मुंबई हायकोर्टाने काल निर्णय दिला आहे. कोर्टाच्या या निर्णयावर विधान भवनात भारतीय जनता पक्ष आणि सेनेच्याचं आमदारांनी नव्हे तर विरोधी पक्षांनी देखील जल्लोष केल्याचं पाहायला मिळालं. दरम्यान कॉंग्रेसचे प्रवक्ते सचिन सावंत यांनी शिवसेनेवर जुन्या आठवणींना उजाळा देत जोरदार निशाणा साधला. यात त्यांनी सामना दैनिकातून ‘मुका मोर्चा’ म्हणणारे देखील सामील का? असा प्रश्न सचिन सावंत यांनी केला.

मुंबई हायकोर्टात काल मराठा आरक्षणावर लागणाऱ्या अंतिम निकालाकडे संपूर्ण महाराष्ट्र आणि देशाचे लक्ष लागले होते. मुंबई हायकोर्टाने मराठा आरक्षणावर निर्णय दिला असून, नोकरी आणि शिक्षणिक शेत्रातील आरक्षण वैध असल्याचा निकाल कोर्टाने दिला आहे. कोर्टाने मराठा समाजाला शिक्षणात १२ तर नौकरीत १३ टक्के आरक्षणाला मान्यता दिली.

दरम्यान कोर्टाच्या या निर्णयावरून संपूर्ण राज्यात एकाच जल्लोषाचं वातावरण पाहायला मिळालं, या निर्णयाचे स्वागत विधान भावनात देखील करण्यात आले. त्यावेळी, भारतीय जनता पक्ष – शिवसेनेच्या नेत्यांनी आनंद व्यक्त केला. शिवसेनेच्या या आनंद व्यक्त करण्यावरून सचिन सावंत यांनी शिवसेनेला टोला लगावला. यात मुका मोर्चा म्हणणारे देखील सामील का? असा सवाल सचिन सावंत यांनी केला. मराठा आरक्षणासाठी सुरु करण्यात आलेल्या मराठा क्रांती मोर्चाचा शिवसेनच्या मुखपत्र असलेल्या सामनामध्ये मूक मोर्चा म्हणून उल्लेख करण्यात आला होता.