ई-पास सुरु राहणार की बंद करणार | राज्य सरकारची भूमिका स्पष्ट

नागपूर, २५ ऑगस्ट : राज्यात करोनाची स्थिती दिवसेंदिवस गंभीर होत चालली आहे. अशा परिस्थितीत ई-पास बंद केला तर करोनाचा प्रसार वेगाने वाढण्याची शक्यता आहे. त्यामुळे राज्यात आणखी काही काळ तरी ई-पास सुरू ठेवणं गरजेचं आहे. त्यामुळे सध्या तरी ई-पास बंद करण्याचा सरकारचा कुठलाही विचार नाही, असं राज्याचे आपत्ती व्यवस्थापन मंत्री विजय वडेट्टीवार यांनी सांगितलं आहे. ते नागपुरात बोलत होते.

केंद्र सरकारने ई-पास बंद करण्यासंदर्भात निर्णय घेतला असला तरी राज्यात सध्या तरी ई- पासची अट रद्द करण्याची सरकारची भूमिका दिसत नाही. राज्यात करोना रुग्णवाढीमुळे काही काळ तरी ई- पास सुरू ठेवण्याबाबत राज्य सरकार सकारात्मक असल्याचं वडेट्टीवार यांनी म्हटलं आहे.

देशात कोरोना रुग्णांची संख्या झपाट्याने वाढत आहे. अशात अनलॉक – 4 लागू करण्यात आलं आहे. अनेक मॉल आणि दुकाने नियमांचा अवलंब करीत खुली करण्याची परवानगी देण्यात आली आहे. 1 सप्टेंबरनंतर अनलॉक -5 सुरू होईल. यादरम्यान शाळा सुरू करण्याबाबत विचार केला जात होता. मात्र आताच हाती आलेल्या माहितीनुसार देशात अद्यार शाळा सुरू करण्यात येणार नाही. नव्याने झालेल्या बैठकीत हा निर्णय घेण्यात आला आहे. त्यानुसार महाराष्ट्रातही सध्या तातडीने शाळा सुरू होणार नसल्याचे दिसत आहे.

News English Summary: The state needs to continue e-pass for some more time. Therefore, the government has no plans to close e-pass at present, said Vijay Vadettiwar, the state’s disaster management minister. He was speaking in Nagpur.

News English Title: Coronavirus Congress minister Vijay Wadettiwar On E Pass In Maharashtra News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.