महाराष्ट्रात शाळा सुरु करण्यासाठी मार्गदर्शक सूचना | तर पंजाबमध्ये २० विद्यार्थ्यांना कोरोनाची लागण

मुंबई, १० ऑगस्ट | मागील काही दिवसांपासून देशात कोरोना रुग्णांच्या संख्येत घट होत असताना काही राज्यांमध्ये पुन्हा एकदा विषाणूनं डोकं वर काढलं आहे. आज महाराष्ट्रातील शहरी आणि ग्रामीण भागात शाळा सुरू करण्याबाबत महाराष्ट्र शासनाच्या शालेय शिक्षण विभागाकडून मार्गदर्शक सूचना व त्याबाबतचा आदेश जारी करण्यात आला आहे. १७ ऑगस्टपासून शहरी भागातील इयत्ता आठवी ते दहावी आणि ग्रामीण भागातील पाचवी ते सातवीची शाळा सुरू करणेबाबत या सूचना आहेत.

ज्या महापालिकेत शाळा सुरू करणं शक्य आहे, तिथे मार्गदर्शक सूचनांनुसार शाळा सुरू होतील. शहरी भागात करोना परिस्थिती विचारात घेऊन शाळा सुरू करण्याबाबत निर्णय घेण्याचे अधिकार पालिका आयुक्तांना असतील, तर जिल्ह्यातील परिस्थिती लक्षात घेऊन शाळा सुरू करण्याबाबतचा निर्णय जिल्हाधिकाऱ्यांना घ्यावा. महापालिका क्षेत्रात शाळा सुरू करण्याबाबत निर्णय घेण्यासाठी खास समिती गठीत केली जाणार आहे. तसेच, नगरपंचायत, नगरपालिका, ग्रामपंचायत, स्तरावरही जिल्हाधिकाऱ्यांच्या अध्यक्षतेखाली विशेष समिती गठीत होणार आहे.

दुसरीकडे, पंजाबमध्ये तर आता कोरोना विषाणूचा पुन्हा एकदा प्रादुर्भाव वाढताना दिसत आहे. लुधियानामधील २ शाळांमध्ये एकून २० विद्यार्थ्यांना कोरोनाची लागण झाल्याची माहिती समोर आली आहे. त्यामुळे शाळा सुरू करण्याचा सरकारचा निर्णय अंगलट येतो की काय अशी परिस्थिती निर्माण झाली आहे.

20 children in 2 schools of Ludhiana, found to be positive for #COVID19: Deputy Commissioner VK Sharma#Punjab

— ANI (@ANI) August 10, 2021

लुधियानाच्या सरकारी सिनिअर सेकंडरी स्कूल बस्ती जोधेवाल शाळेतील आठ विद्यार्थी कोरोना पॉझिटिव्ह आढळले आहेत. हे विद्यार्थी इयत्ता ११ वी आणि १२ वीचे आहेत. यानंतर संबंधित महाविद्यालय आणि शाळा पुन्हा एकदा बंद करण्यात आली आहे. तर सर्व विद्यार्थ्यांनी स्वत: होम क्वारंटाइन करुन घेतलं आहे.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया महाराष्ट्रनामाला न विसरता ‘फॉलो (Follow) ‘ करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल. त्यामुळे आम्हाला नक्की फॉलो करा. महाराष्ट्रनामा नेहमीच वाचकाच्या पसंतीचे आणि निरनिराळ्या पण महत्वाच्या विषयांवरील लेख प्रसिद्ध करण्यास वचनबद्ध आहे. जर तुम्हाला आमचा हा लेख आवडला असेल तर तुमच्या मित्र मंडळीपर्यंत WhatsApp किंवा Facebook च्या माध्यमातून नक्की शेअर करा. तसेच अयोग्यविषयक प्रकाशित / प्रसारित केलेली बातमी /लेख केवळ आपल्या माहितीसाठी असतो. कृपया त्यांच्याशी संबंधित कोणत्याही वापरापूर्वी एखाद्या तज्ञाचा सल्ला घ्या.

News Title: Covid guidelines before reopening of school is Maharashtra news updates.