६ कोरोना योद्धाचं निलंबन, कोरोना आपत्तीत वसई-विरार आयुक्तांचं फुलटाईम राजकारण

विरार, १८ जुलै : सध्या वसई विरार महापालिका क्षेत्रात कोरोना रुग्णसंख्या झपाट्याने वाढत आहे. परिस्थिती चिंताजनक असली महत्वाचं विद्यमान पालिका आयुक्त गंगाथरण डी यांना फुलटाईम राजकारण करण्यातच रस असल्याचं पाहायला मिळतंय. वास्तविक साध्याचं वसई विरारमधील त्यांची कार्यशैली पाहता त्यांच्याविरुद्ध न्यायालयात खटले दाखल झाल्यास आश्चर्य वाटणार नाही. यापूर्वी देखील अधिकारांचा गैरवापर केल्याने मुंबई हायकोर्टात खटला दाखल करण्यात आल्याचं समोर आलं आहे.

राज्यातील सर्व पालिका आयुक्त, जिल्हाधिकारी तसेच विभागीय आयुक्त सर्वाना सोबत घेऊन काम करत असताना वसई विरारचे आयुक्त अधिकारांचा गैरवापर करून आरोग्य यंत्रणेत अजून गोधळाचं वातावरण निर्माण करत आहेत. मनसेने देखील त्यांच्या याच उर्मट पणाला उर्मटपणे प्रतिऊत्तर दिलं होतं.

त्यानंतर कोरोना आपत्तीसंबंधित मूळ प्रश्नांना बगल देत प्रशासकीय यंत्रणा मनसेची शाखा तोडण्यासाठी खर्ची घातली होती. त्यानंतर एका महिला कर्मचाऱ्याने त्यांच्यावर थेट आरोप करत पालिका आयुक्त त्यांना स्वतःच्या घरची धुनी-भांडीची कामं करण्यास भाग पडल्याचा आरोप केला होता. विशेष म्हणजे याच विषयाला अनुसरून एका स्वयंसेवी संस्थेच्या माध्यमातून आयुक्तांविरुद्ध खटला दाखल केला असता, न्यायालयाने त्यांच्यावर अधिकारांचा गैरवापर केल्याच्या अनुषंगाने चांगलेच झापले होते.

मात्र त्याच विषयाला अनुसरून आणि कोरोना आपत्तीच्या बहाण्याने आयुक्तांनी वसई विरार महापालिकेतील एकूण सहा सफाई कर्मचाऱ्यांवर कामचुकारपणाचा ठपका ठेऊन त्यांना नोकरीतून निलंबित केल्याचं वृत्त आहे. दरम्यान, कोरोना आपत्तीत राज्य सरकार कोरोना योध्याना सांभाळून घेत असताना वसई विरारचे आयुक्त राजकीय खुन्नस काढण्याचं राजकारण करत असल्याचं समोर आलं आहे. उद्या सर्व सफाई कर्मचाऱ्यांनी काम बंद आंदोलन केल्यास काय परिस्थती उद्भवेल याची कल्पना आयुक्तांना नसावी.

News English Summary: Currently, the number of corona patients in Vasai Virar Municipal Corporation area is increasing rapidly. It is important to note that the situation is worrisome and the present Municipal Commissioner Gangatharan D is only interested in full time politics.

News English Title: Currently the number of corona patients in Vasai Virar Municipal Corporation area is increasing rapidly News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.