उपमुख्यमंत्र्यांकडून सर्व रुग्णालयांचे तात्काळ ऑडीट करण्याचे निर्देश

मुंबई, ९ जानेवारी: भंडारा जिल्हा शासकीय रुग्णालयाच्या इमारतीचं फायर ऑडिट झालं नसल्याची धक्कादायक बाब समोर आली आहे. त्यामुळे जिल्हा रुग्णालयात लागलेल्या आगीत 10 नवजात बाळांच्या झालेल्या मृत्यूला जबाबदार कोण? असा सवाल आता विचारला जात आहे. दरम्यान भंडारा जिल्हा शासकीय रुग्णालयात 10 बाळांचा जीव गेल्यानंतर सरकार जागं झाल्याचं पाहायला मिळत आहे. कारण, आता राज्यातील सर्व रुग्णालयांचं ऑडिट करण्याचे निर्देश उपमुख्यमंत्री अजित पवार यांनी दिले आहेत. (Deputy Chief Minister Ajit Pawar has instructed to audit all the hospitals in the state)

भंडारा जिल्हा रुग्णालयाच्या नवजात शिशु केअर युनिटला आग लागून झालेल्या बालकांच्या मृत्यूबद्दल उपमुख्यमंत्री अजित पवार यांनी तीव्र दु:ख व्यक्त केले आहे. ही घटना अत्यंत दुर्दैवी, क्लेशदायक असून सरकारने याची गंभीर दखल घेतली आहे. मुख्यमंत्री उद्धव ठाकरे यांनी घटनेच्या तात्काळ चौकशीचे आदेश दिले आहेत. संबंधित दुर्घटेनेस दोषी असणाऱ्यांवर कठोर कारवाई करण्यात येईल, असं आश्वासन अजित पवार यांनी दिले.

भंडारा जिल्हा रुग्णालयात नवजात बालकांसाठी असलेल्या दक्षता विभागात शुक्रवारी मध्यरात्री शॉर्टसर्किटमुळं अचानक आग लागली. त्यात दहा चिमुकल्यांचा होरपळून मृत्यू झाला. या घटनेमुळं महाराष्ट्र हादरला असून सरकारी रुग्णालयातील सुरक्षाव्यवस्थेवर प्रश्नचिन्ह उपस्थित केलं जात आहे. मुख्यमंत्री ठाकरे यांनी या घटनेची गंभीर दखल घेतली आहे. आगीची घटना कळताच मुख्यमंत्र्यांनी आरोग्यमंत्री राजेश टोपे यांच्याशी चर्चा करून संपूर्ण घटनेची तात्काळ चौकशी करण्याचे निर्देश दिले आहेत. जिल्हाधिकारी व पोलीस अधीक्षकांशी संवाद साधून तपासाचे निर्देशही दिले आहेत.

News English Summary: A shocking matter has come to light that the fire audit of Bhandara district government hospital building has not been done. So who is responsible for the death of 10 newborns in a fire at a district hospital? Such a question is being asked now. Meanwhile, the government has woken up after 10 babies died at the Bhandara district government hospital. Because now Deputy Chief Minister Ajit Pawar has instructed to audit all the hospitals in the state.

News English Title: Deputy Chief Minister Ajit Pawar has instructed to audit all the hospitals in the state news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.