महाविकास आघाडी सरकार पडणारा अजून जन्माला यायचा आहे | हे येरा गबाळ्याचे काम नाही - उपमुख्यमंत्री

पंढरपूर, १५ एप्रिल: राज्यात एकीकडे कोरोनाची स्थिती गंभीर होत चालली असताना दुसरीकडे मात्र पंढरपूर मंगळवेढा निवडणूकीचा धुरळा उडाला आहे. १७ एप्रिलला पंढरपूर मंगळवेढा पोटनिवडणूक पार पडणार असून राष्ट्रवादी आणि भाजपसाठी ही निवडणूक प्रतिष्ठेची मानली जात आहे. या पंढरपूर पोटनिवडणुकीत विरोधी पक्षनेते देवेंद्र फडणवीस यांनी महाविकास आघाडी सरकारवर केलेल्या टीकेला राष्ट्रवादीचे नेते अजित पवार यांनी जोरदार प्रत्युत्तर दिलं आहे. राज्यातील आघाडी सरकार पाडणारा अजून जन्माला यायचा आहे. सरकार पाडणे कोणा येरा गबाळ्याचे काम नाही, अशा शब्दांत अजित पवार यांनी देवेंद्र फडणवीस यांच्यावर पहिल्यांदाच थेट निशाणा साधला आहे.

अजित पवारांनी बोलायला सुरुवात करतानाच म्हटले की, राजकारणात कोणी कायमचा मित्र किंवा शत्रू नससो. आणि राज्यातील आघाडी सरकार पाडणे म्हणजे काय खेळ वाटतो काय? हे सरकार पाडणारा अजून जन्माला यायचाय, अशा शब्दात देवेंद्र फडणवीस यांना उत्तर दिले. काल सायंकाळी पंढरपूर येथील शिवाजी चौकात राष्ट्रवादी उमेदवार भगीरथ भालके यांच्या प्रचाराची सभा घेण्यात आली यावेळी ते बोलत होते.

भाजपने ५ वर्षे केवळ राजकारण केले, भारत भालके काँग्रेसचे आमदार होते म्हणून भाजपाने २४ गावांच्या पाण्याच्या मागणीकडे दुर्लक्ष केले. मी पंतप्रधान मोदी यांच्याकडून पैसे आणतो, असा सांगावा फडणवीस आज करत आहेत. मात्र, मोदींनी महाराष्ट्राच्या हक्काचा जीएसटी परतावा अद्याप दिला नाही, मग इतर मागण्यांचे काय? असा सवाल राष्ट्रवादी काँग्रेसचे प्रदेशाध्यक्ष जयंत पाटील यांनी विचारला

आजवर अजित पवार देवेंद्र फडणवीस यांच्यावर इतक्या थेट शब्दात कधी बोलले नव्हते. मात्र आजची राष्ट्रवादीची सभा ही फडणवीसांच्या सभेला उत्तर देणारी सभा ठरली. आजच्या सभेत शिवसेनेचे मंत्री गुलाबराव पाटील , प्रदेशाध्यक्ष जयंत पाटील आणि उपमुख्यमंत्री अजित पवार या सर्वांच्या भाषणाचा रोख हा फडणवीस यांच्या त्याच वक्तव्यावर होता.

News English Summary: Deputy CM Ajit Pawar has strongly responded to the criticism made by Leader of Opposition Devendra Fadnavis on the Mahavikas Aghadi government in the Pandharpur by-election. The one who overthrew the leading government in the state is yet to be born. For the first time, Ajit Pawar has directly targeted Devendra Fadnavis, saying that overthrowing the government is not the job of anyone.

News English Title: Deputy CM Ajit Pawar targets Devendra Fadnavis challenge in Pandharpur Mangalvedha by poll election news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.