तुम्ही आमच्यावर कितीही आरोप लावा | आम्हाला काही चिंता नाही - फडणवीस

मुंबई, २७ मार्च: पोलीस दलातील बदल्यांबाबतचा फोन टॅपिंगचा रिपोर्ट केंद्रीय गृहमंत्रालयाला सादर करण्यात आला आहे. त्यामुळे अनेकांचे बिंग फुटणार असल्यानेच राज्यातील नेते अस्वस्थ आहेत, असा दावा विरोधी पक्षनेते देवेंद्र फडणवीस यांनी केला आहे.

देवेंद्र फडणवीस यांनी मीडियाशी संवाद साधताना हा दावा केला. फोन टॅपिंग प्रकरणाचा अहवाल केंद्रीय गृहमंत्रालयाला सादर झाला आहे. त्यातून अनेकांचे बिंग फुटणार आहे. त्यामुळेच अनेकजण अस्वस्थ झाले आहेत, असं देवेंद्र फडणवीस म्हणाले. महाराष्ट्र पोलीस दलाची बदनामी करण्याचं काम कुणी केलं? वाझे सारख्या निलंबित अधिकाऱ्याला सेवेत घेऊन त्याच्याकडे महत्त्वाच्या केसेस देण्यात आल्या. सचिन वाझे सारख्यांना सेवेत घेऊन सिंडिकेट राज चालवण्यात आलं. त्यामुळे पोलीस बदनाम झाले की पोलिसांचं नाव झालं ते सांगा? असा सवाल त्यांनी केला.

तसचे, “नवाब मलिक व त्यांचे सर्व सहकारी घाबरलेले आहेत, की वाझे आता काय काय बोलतील? जेवढे वाझेचे मालक आहेत ते सर्वच्या सर्व घाबरलेले आहेत की, आता कोणत्या कोणत्या गोष्टी बाहेर येतील? कारण की ज्या प्रकारे गोष्टी समोर येत आहेत. यावरून हे लक्षात येतं, की एकप्रकारचे सिंडेकेट राज सुरू होतं त्यांनी मुंबई व महाराष्ट्र पोलिसांची बदनामी केली आहे. अगोदर स्वतःकडे वाकून पाहा मी समजू शकतो, तुम्ही घाबरलेले आहात, तुम्ही आमच्यावर कितीही आरोप लावा, आम्हाला काही चिंता नाही.” असं देखील यावेळी फडणीस यांनी बोलून दाखवलं.

News English Summary: A report on phone tapping regarding transfers in the police force has been submitted to the Union Home Ministry. Leader of the Opposition Devendra Fadnavis has claimed that the leaders of the state are upset as the truth of many will explode.

News English Title: Devendra Fadnavis press conference over phone tapping case news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.