यू. पी. एस. मदान राज्याचे नवे मुख्य निवडणूक आयुक्त

मुंबई : राज्याचे सहावे राज्य निवडणूक आयुक्त म्हणून यू. पी. एस. मदान यांनी आज पदभार स्वीकारला आहे. राज्यपाल भगतसिंग कोश्यारी यांनी मदान यांची मुख्य निवडणूक आयुक्त म्हणून नियुक्ती केली. ज. स. सहारिया यांच्या जागी त्यांची नियुक्ती करण्यात आली आहे.

मदान १९८३ मध्ये भारतीय प्रशासकीय सेवेत रूजू झाले होते. राज्याच्या मुख्य सचिवपदाचीही धुरा त्यांनी सांभाळली आहे. तत्पूर्वी त्यांनी राज्यात विविध ठिकाणी जिल्हा परिषदेचे मुख्य कार्यकारी अधिकारी, जिल्हाधिकारी व मंत्रालयात अपर मुख्य सचिव म्हणून सेवा बजावली. त्याचबरोबर त्यांनी भारत निवडणूक आयोगाच्या वतीने मुख्य निवडणूक अधिकारी म्हणून राज्यातील लोकसभा व विधानसभा निवडणुकांचे काम पाहिले आहे. मुंबई महानगरप्रदेश विकास प्राधिकरणचे (एमएमआरडीए) आयुक्त आणि महाराष्ट्र गृहनिर्माण व क्षेत्रविकास प्राधिकरणाचे (म्हाडा) मुख्य कार्यकारी अधिकारी म्हणूनही ते कार्यरत होते.

आयोगाचे सचिव किरण कुरुंदकर यांनी मदान यांचं स्वागत केलं. आयोगातील अधिकारी व कर्मचारी यावेळी उपस्थित होते. ज. स. सहारिया यांचा राज्य निवडणूक आयुक्तपदाचा कार्यकाळ काल ४ सप्टेंबरला संपला होता. विरोधी पक्षांनी EVM मशिन्स विरुद्ध आंदोलन छेडलं आहे. त्यात मनसेचे अध्यक्ष राज ठाकरे यांनी आघाडी घेतलीय. या सगळ्या पार्श्वभूमीवर विरोधकांच्या शंकांच निरसन करत मदान यांना कारभार करावा लागणार आहे.

दरम्यान, महाराष्ट्र नवनिर्माण सेनेचे नेते अनिल शिदोरे यांनी पक्षाच्या वतीने निवडणूक आयोगाला ईव्हीएम मशीन हॅक करण्याचं चॅलेंज दिलं आहे आणि तेव्हा सहारिया हे राज्य निवडणूक आयुक्तपदी होते आणि आता यू. पी. एस. मदान राज्याचे नवे मुख्य निवडणूक आयुक्त झाल्याने ते यावर काय निर्णय घेणार ते पाहावं लागणार आहे.

मागच्या आठवड्यात राज्याचे मुख्य निवडणूक अधिकारी म्हणाले “ज्यांना ईव्हीएमबाबत आक्षेप आहेत ते त्यांनी सिध्द करावेत”. मी समाजमाध्यमांवरून ते आव्हान स्विकारलं. सध्या सरकारातली मंडळीही त्यावरून धोरणं जाहीर करतात.. पण त्यांचा काहीच प्रतिसाद नाही म्हणून आज लेखी पत्र पाठवलं.. pic.twitter.com/4OQG3mMads

— Anil Shidore (@anilshidore) September 4, 2019

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.