हातकणंगलेचे माजी आमदार राजीव आवळे यांचा राष्ट्रवादीत जाहीर प्रवेश

कोल्हापूर, १६ डिसेंबर: राष्ट्रवादीचे नेते आणि उपमुख्यमंत्री अजित पवार यांनी काल भारतीय जनता पक्षाचा चांगलाच समाचार घेतला होता. पदवीधर लोकांनी पराभव केला हे भारतीय जनता पक्षाच्या नेत्यांना खूपच झोंबलं आहे, असं म्हणत अजित पवार यांनी भारतीय जनता पक्षाला टोला लगावला होता.

‘पुण्यात चंद्रकात पाटील प्रतिनिधीत्व करत होते, पण आमचा उमेदवार पहिल्या फेरीतच निवडून आला. तीच गोष्ट औरंगाबाद, सतिश चव्हाण तिथे प्रचंड मतांनी निवडून आले. धुळे-नंदुरबारची जागा अमरिश पटेल यांना भारतीय जनता पक्षाने तिथं घेतल्याने आली. अमरावतीला चुकलं, पण एक समाधान आहे तिथं भारतीय जनता पक्षाचा आला नाही. शिक्षक आणि पदवीधर हा हुशार वर्ग… याच वर्गाने प्रचंड ताकदीने निवडून दिलं आहे. आता मला त्यांना सांगणं आहे की आमच्याकडून तुमच्याकडे गेलेत ते कधी राजीनामा देतील आणि आमच्याकडे येऊन निवडून येतील ते सांगता येत नाही, त्यांच्यावर लक्ष ठेवा,’ असा टोला अजित पवारांनी भारतीय जनता पक्षाला लगावला होता.

दरम्यान, आज जनसुराज्य पक्षाचे नेते आणि हातकणंगले विधानसभा मतदार संघाचे माजी आमदार राजीव आवळे यांनी आपल्या असंख्य कार्यकर्त्यांसह राष्ट्रवादी काँग्रेसमध्ये जाहीर प्रवेश केला. यावेळी उपमुख्यमंत्री अजित पवार म्हणाले, पायाला भिंगरी बांधल्यासारखे पवारसाहेब आज काम करत आहेत. या वयातही प्रचंड काम करणारा नेता देशात दुसरा कुणी नाही हे नाकारता येणार नाही, राजकीय जीवनात पवारसाहेबांच्या मार्गदर्शनाखाली आम्ही ३० वर्षे काम करतोय. यामध्ये अनेक लोकांची ओळख होत असते. त्यामध्ये जनसुराज्य पक्षाचे काम करताना राजीव आवळे यांचं काम मी पहात आलो आहे. ते गरीब व वंचित वर्गासाठी काम करत आहेत असं अजित पवार यांनी सांगितले.

भारतीय जनता पक्षाने धमक्या दिल्या होत्या आणि प्रवेश करुन घेतला होता ते सर्व आज राष्ट्रवादीत प्रवेश करत आहेत. त्याची सुरुवात आज राजीव आवळे यांच्या प्रवेशाने होत आहे असा टोला यावेळी ग्रामविकास मंत्री हसन मुश्रीफ यांनी भारतीय जनता पक्षाला लगावला आहे.

News English Summary: Rajiv Awale, leader of Jansurajya Party and former MLA of Hatkanangale assembly constituency, joined the NCP along with many of his activists. All those who were threatened and admitted by the Bharatiya Janata Party are now joining the NCP. Rural Development Minister Hasan Mushrif has accused the Bharatiya Janata Party (BJP) of starting with the entry of Rajiv Awale.

News English Title: Former MLA Rajiv Aawale from Kolhapur joined NCP in presence of Ajit Pawar News updates.