हिमाचलच्या टेकडावर जन्मलेल्या नटीने शेती आणि शेतकऱ्यांच्या प्रश्नावर बोलू नये

कोल्हापूर, २२ सप्टेंबर : कृषी विधेयकांविरुद्ध आंदोलन करणाऱ्या शेतकऱ्यांची तुलना दहशतवाद्यांशी केल्यानंतर माझ्या म्हणण्याचा चुकीचा अर्थ काढला गेला, अशी सारवासारव करणारी अभिनेत्री कंगना राणावतवर शेतकरी नेत्यांकडून चौफेर टीका होऊ लागली आहे.

स्वाभिमानी शेतकरी संघटनेचे प्रमुख राजू शेट्टी यांनी कंगना राणावतला अत्यंत शेलक्या शब्दांत फटकारले आहे. कंगना राणावतचा उल्लेख ‘नटवी’ असा करत शेट्टी यांनी तोफ डागली. ‘जिथे शेतीच केली जात नाही अशा डोंगरावर जन्मलेल्या आणि शेतीशी काडीमात्र संबंध नसणाऱ्या कंगनासारख्या नटवीने शेतकऱ्यांना दहशतवादी म्हणणे यासारखा दुसरा विनोद नाही’, असे सांगतानाच शेतकऱ्यांवर टीका करणारे नट आणि नट्यांना शेतकऱ्यांची मुले सडेतोड उत्तर दिल्याशिवाय राहणार नाहीत, असा इशाराच शेट्टी यांनी दिला आहे.

“शेती आणि शेतकऱ्यांचे प्रश्न यावर हिमाचल प्रदेश सारख्या एका उंच टेकडावर जन्माला आलेल्या नटीने बोलणं यापेक्षा मोठा विनोद काय असू शकतो. कंगनाला पुढे करणाऱ्यांना शिखंडे म्हणावं की काय म्हणावं यासाठी मला शब्द सूचत नाही. शेतकरी त्यांच्या न्याय हक्कासाठी लढत असताना या नट-नट्या जर त्यांचा अपमान करत असतील तर तुमच्याकडे पाशवी बहुमत असलं तरी याच शेतकऱ्यांचे पोरं हातात दगडं घेऊन रस्त्यावर उतरतील. त्या दगडांपुढे तुमच्या काचा टिकणार नाहीत. तुमचे काचेचे मनोरे क्षणात उद्ध्वस्त होतील. हा दिवस फार लांब नाही,” असा इशाराही शेट्टी यांनी दिला.

News English Summary: Former MP Raju Shetty, head of Swabhimani Shetkari Sanghatana, has slammed Kangana Ranaut. Referring to Kangana Ranaut as ‘Natvi’, Shetty fired her on statement against farmers. ‘There is no other joke like calling a farmer a terrorist like Kangana, who was born on a hill where no farming is done and has nothing to do with agriculture.

News English Title: Former MP Raju Shetti criticize Kangana Ranaut and Modi government on farmer issue Marathi News LIVE latest updates.