माजी केंद्रीय मंत्री सुबोध मोहिते राष्ट्रवादीच्या वाटेवर? | राष्ट्रवादीच्या नेत्यांशी भेटी-गाठी

नागपूर, ०३ फेब्रुवारी: मागील काही दिवसांपासून राष्ट्रवादीत जोरदार इनकमिंग सुरूच आहे. आता माजी केंद्रीय मंत्री सुबोध मोहिते राष्ट्रवादीच्या वाटेवर असल्याची चर्चा राजकीय वर्तुळात रंगली आहे. राष्ट्रवादीचे प्रदेशाध्यक्ष जयंत पाटील आणि गृहमंत्री अनिल देशमुख यांची त्यांनी भेट घेतली असून, मोहितेंच्या पक्ष प्रवेशावर जोरदार खलबतं सुरू आहेत. विदर्भातील राजकारणात सुबोध मोहिते यांचा चांगलाच दबदबा आहे. विदर्भातील राजकारणात सुबोध मोहिते यांचा चांगलाच दबदबा आहे. त्यामुळेच विदर्भात राष्ट्रवादी बळकट करण्यासाठीच मोहितेंना प्रवेश देण्यात येणार असल्याचे बोलले जाते. (Former union minister Subodh Mohite may join NCP)

माजी केंद्रीय मंत्री सुबोध मोहिते यांनी गेल्या काही दिवसांपूर्वी स्वाभिमानी शेतकरी संघटनेत प्रवेश केला होता, परंतु त्यानंतर माजी खासदार राजू शेट्टी यांच्याशी मतभेद निर्माण झाले आणि त्यांनी स्वाभिमानी शेतकरी संघटनेशी संबंध तोडले. मोहिते यांनी शेतकरी व तरुणांच्या प्रश्नांवर नवीन संघटना स्थापन करण्याची घोषणा केली होती.

अटल बिहारी वाजपेयी सरकारमध्ये सुबोध मोहिते केंद्रीय अवजड उद्योगमंत्री राहिले होते. राजकारणात येण्यापूर्वी ते भाजपचे माजी मंत्री महादेवराव शिवणकर यांचे स्वीय सहाय्यक होते. १९९८ मध्ये त्यांना शिवसेनेनं रामटेक मतदारसंघातून लोकसभेची उमेदवारी दिली. या निवडणुकीत त्यांनी काँग्रेसच्या बनवारीलाल पुरोहित यांचा पराभव केला. १९९९ मध्ये पुन्हा एकदा त्यांनी श्रीकांत जिचकार यांना पराभवाची धूळ चारली होती.

News English Summary: Over the last few days, there has been a steady influx of NCP members. Now there is talk in the political circles that former Union Minister Subodh Mohite is on the path of NCP. He has met NCP state president Jayant Patil and home minister Anil Deshmukh. Subodh Mohite has a good influence in the politics of Vidarbha. Subodh Mohite has a good influence in the politics of Vidarbha. That is why it is said that Mohite will be given admission only to strengthen the NCP in Vidarbha.

News English Title: Former union minister Subodh Mohite may join NCP soon news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.