अंबरनाथमधील काकोळी ग्रामपंचायतीवर मनसेचा भगवा | ७ पैकी ४ जागांवर विजय

अंबरनाथ, १८ जानेवारी: राज्यातील ग्रामपंचायत निवडणुकांचे निकाल आज जाहीर होत आहेत. १५ जानेवारी रोजी राज्यातील सुमारे १२ हजार ७११ ग्रामपंचायतींच्या निवडणुका पार पडल्या. या निवडणुकीसाठी सरासरी ७९ टक्के मतदान झाले. आज सकाळपासून या ग्रामपंचायत निवडणुकांचे निकाल जाहीर होत आहेत.

दरम्यान, मनसेच्या बाबतीत सकाळ पासून पहिली आनंदवार्ता आली आहे. अंबरनाथ तालुक्यातील काकोळी ग्रामपंचायतीच्या निवडणुकीचा निकाल जाहीर झाला असून या निवडणुकीत शिवसेना आणि भारतीय जनता पक्ष या युतीच्या पॅनलचा पराभव करीत महाराष्ट्र नवनिर्माण सेनेच्या पॅनेलने वर्चस्व निर्माण केले आहे. काकोळी ग्रामपंचायतीची निवडणूक ही सर्वच पक्षांसाठी प्रतिष्ठेची होती. या ग्रामपंचायतीवर एकूण ७ सदस्यांसाठी निवडणूक घेण्यात आली होती. त्यापैकी मनसेचे ४ सदस्य विजयी झाले आहेत.

त्यातील महाराष्ट्र नवनिर्माण सेनेचे नरेश गायकर, सुरेखा गायकर, रेश्मा गायकर आणि जयश्री गायकर यांनी विजय मिळवत ग्रामपंचायतीवर महाराष्ट्र नवनिर्माण सेनेचा झेंडा फडकवला आहे. तसेच रत्नागिरीच्या दापोलीत देखील महाराष्ट्र नवनिर्माण सेनेने खातं उघडलं आहे. दापोलीतील नवशी ग्रामपंचायत निवडणुकीत महाराष्ट्र नवनिर्माण सेनेचे उपतालुकाध्यक्ष मिलिंद गोरीवले यांचा विजय झाला आहे.

News English Summary: In the case of MNS, the first good news has come since this morning. The results of the Kakoli Gram Panchayat elections in Ambernath taluka have been declared. The election of Kakoli Gram Panchayat was a matter of prestige for all parties. Elections were held for a total of 7 members on this Gram Panchayat. Out of them 4 MNS members have won.

News English Title: Gram Panchayat election 2021 MNS party victory in Ambarnath Taluka Kakoli Gram Panchayat news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.