आज राज्य मंत्रिमंडळाची महत्वाची बैठक | १८ वर्षांवरील सगळ्यांना मोफत लस दिली जाणार?

मुंबई, २८ एप्रिल | केंद्र सरकारनं १ मेपासून १८ वर्षांवरील सर्वांच्या लसीकरणासाठी परवानगी दिली आहे. देशातील अनेक राज्यांनी मोफत लसीकरणाची घोषणा केली आहे. महाराष्ट्रात मात्र अद्याप कोणतीही घोषणा करण्यात आलेली नाही. अशातच आज मंत्रिमंडळाची महत्त्वाची बैठक पार पडणार आहे. या बैठकीत राज्यातील कोरोना परिस्थिती, मोफत लसीकरण, लॉकडाऊन याचसोबत अनेक महत्त्वाच्या मुद्द्यांवर चर्चा होणार आहे. आज दुपारी साडेबारा वाजता मंत्रिमंडळाची ही महत्त्वाची बैठक पार पडणार आहे.

दरम्यान, या बैठकीत राज्यातील मोफत लसीकरणाच्या मुद्द्यावर चर्चा होणार असून त्यानंतरच मुख्यमंत्री यासंदर्भातील निर्णय जाहीर करतील, अशी माहिती राज्याचे उपमुख्यमंत्री अजित पवार यांनी दिली होती. त्यानुसार आजच्या मंत्री मंडळाच्या बैठकीत लॉकडाऊनवरही चर्चा होणार का? हे पाहणे अतिशय महत्वाचं असणार आहे. देशातील अनेक राज्यांनी १८ वर्षांवरील सर्वांचं लसीकरण मोफत करण्याचा निर्णय घेतला आहे. अशातच महाराष्ट्र सरकार काय निर्णय घेणार, हे पाहण महत्वाचं ठरणार आहे.

News English Summary: The central government has given permission for vaccination to all persons above 18 years of age from May 1. Many states in the country have announced free vaccinations. In Maharashtra, however, no announcement has been made yet. Similarly, an important cabinet meeting will be held today.

News English Title: Important cabinet meeting of Maharashtra govt today over free vaccination issue news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.