23 February 2025 7:54 AM
अँप डाउनलोड
बातम्या फ्लॅश
SBI Home Loan EMI | एसबीआय गृहकर्जाचे व्याजदर घटले, EMI मध्ये दरमहा इतकी बचत होऊन लाखोंचा फायदा होणार Gratuity on Salary | प्रायव्हेट नोकरदारांसाठी खुशखबर, ग्रॅच्युइटी एकूण 3,46,154 रुपयांची रक्कम खात्यात जमा होणार EPFO Money Alert | खासगी नोकरी करणाऱ्यांच्या खात्यात EPF चे 1,01,29,237 रुपये जमा होणार, तुमचा महिना पगार किती Personal Loan EMI | 'या' कामांसाठी पर्सनल लोन घेत असाल तर वेळीच थांबा, होतील गंभीर परिणाम, इथे जाणून घ्या माहिती SBI FD Interest Rate | 'या' बँका FD गुंतवणुकीवर उत्तम व्याज देत आहेत, 4 ते 6 लाखांच्या FD वर किती परतावा मिळेल पहा Home Loan Interest Rate | पगारदारांनो, 'या' बँका देत आहेत सर्वाधिक स्वस्त गृहकर्ज, घराची स्वप्नपूर्ती साकार होणार Horoscope Today | रविवार 23 फेब्रुवारी, कसा असेल 12 राशींच्या लोकांचा रविवार, तुमचे राशी भविष्य जाणून घ्या
x

प्लॅस्टिक बंदीमध्ये फ्लेक्सचा समावेश करावा, नेटकऱ्यांची मागणी - सोशल व्हायरल

shivsena, ramdas kadam, aditya thackeray, plastic ban

शिवसेनेचे पर्यावरणमंत्री रामदास कदम यांनी मागीलवर्षी प्लॅस्टिकबंदी जाहीर केली होती. ह्या प्लॅस्टिकबंदीचा त्रास सर्वच स्थरातील लोकांना झाला, कारण पर्याय उपलब्ध न करता केलेली हि प्लॅस्टिकबंदी होती. प्लॅस्टिकबंदीवर दंड हि ५०००/- रुपयांचा होता म्हणूनच काही प्रमाणात हि प्लास्टिकबंदी यशस्वी देखील झाली. पर्यावरण मंत्र्यांच्या या निर्णयाचे समर्थन कमी पण विरोधच जास्त झाला.

प्लास्टिकबंदीचा हा निर्णय नंतर काही प्रमाणात शिथिल देखील करण्यात आला. परंतु सर्वसामान्यांना पडलेला प्रश्न म्हणजे जर प्लॅस्टिकची पिशवी बाजारात उपलब्धच नसेल तर कोण कशाला वापरेल? म्हणजे जर प्लॅस्टिकच्या पिशव्या तयार करणाऱ्या कंपन्यांवरच कारवाई केली तर बाजारात प्लॅस्टिकची थैलीच दिसणार नाही. परंतु प्लॅस्टिकबंदी हि टप्प्याटप्प्याने व्हायला हवी होती जेणेकरून सर्वसामान्य लोकांना त्याचा त्रास झाला नसता. तसेच सरकारने प्लॅस्टिकच्या पिशवीला पर्याय द्यायला हवा होता.

दुधाच्या प्लॅस्टिक पिशव्यांवरील बंदी एका महिन्यात लागू होईल, अशी माहिती पर्यावरण मंत्री रामदास कदम यांनी आज विधानसभेत दिली. दुधाची पिशवी घेताना ५० पैसे डिपॉझिट घ्यायचे आणि पिशवी परत दिली की ५० पैसे परत द्यायचे ही योजना सर्व दुध कंपन्यांनी मान्य केली आहे. एका महिन्यात हे सुरू होईल अशी माहिती कदम यांनी विधानसभेत दिली. राज्यात दिवसाला १ कोटी दुधाच्या प्लॅस्टिक पिशव्या रस्त्यावर येतात आणि त्यातून ३१ टन प्लॅस्टिक कचरा निर्माण होत असल्याचे कदम यांनी सांगितले.

प्लॅस्टिकबंदीवर मात्र नेटकऱ्यांनी पर्यावरण मंत्री रामदास कदम आणि महाराष्ट्र सरकारला ट्रोल केलं आहे. नेटकऱ्यांच्या मते प्लॅस्टिकबंदीमध्ये फ्लेक्स बॅनरचा देखील समावेश करावा. आज गल्लोगल्ली आणि रस्त्याच्या दुतर्फा आपल्याला फ्लेक्सच – फ्लेक्स दिसतात. कुठे भाऊंचा वाढदिवस, कुठे राजकीय अभिनंदन तर कुठे राजकीय श्रेयाच्या नावाने लागलेले फ्लेक्स. इतकंच काय तर आजकाल लोकांनी लहानग्यांच्या वाढदिवसाचे फ्लेक्स देखील लावायला सुरुवात केली आहे. हे इतरत्र लावलेले फ्लेक्स शहरांच्या सौंदर्यात डाग होताना दिसत आहेत.

अनधिकृत फ्लेक्स आणि होर्डिंग्सवर महापालिकेने कारवाई करणे आवश्यक आहे परंतु कारवाई होताना फार कमी दिसते. राजकारण्यांचे आणि अधिकाऱ्यांचे असलेले लागेबांधे यामुळे अधिकारी देखील त्याकडे कानाडोळाच करने पसंत करतात. म्हणूनच कायतर ह्या फ्लेक्सला कंटाळलेल्या नेटकऱ्यांच्या मते प्लॅस्टिकबंदीमध्ये फ्लेक्सचा समावेश झाला पाहिजे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

संबंधित बातम्या

राहुन गेलेल्या बातम्या

x