राऊत हे ठाकरेंचे स्तुतीपाठक, त्यामुळे मुख्यमंत्र्यांनी इतर माध्यमांना मुलाखत द्यावी - चंद्रकांत पाटील

पुणे, २६ जुलै : मुख्यमंत्री उद्धव ठाकरे यांनी ‘सामना’ला दिलेल्या मुलाखतीनंतर आता भाजपच्या गोटातून प्रतिक्रिया येण्यास सुरुवात झाली आहे. या मुलाखतीत उद्धव ठाकरे यांनी मंत्रालयात न जाता मातोश्रीवर बसून सर्व कारभार हाताळणे, कसे गरजेचे आहे, हे सांगितले होते. मुख्यमंत्र्यांच्या याच वक्तव्याचा धागा पकडत भाजप प्रदेशाध्यक्ष चंद्रकांत पाटील यांनी उद्धव ठाकरे यांना चिमटा काढला. सध्या राज्यात दोन मुख्यमंत्री आहेत. एक मातोश्रीवर बसून काम करत आहेत आणि दुसरे राज्यभर फिरत आहेत, असे चंद्रकांत पाटील यांनी म्हटले. ते रविवारी पुण्यात पत्रकारांशी बोलत होते.

पुण्यात पत्रकारांशी बोलत असताना चंद्रकांत पाटलांनी मुख्यमंत्री उद्धव ठाकरे यांच्या मुलाखतीवर सडकून टीका केली. ‘चार महिन्यानंतर उद्धव ठाकरे यांनी सामनाला मुलाखत दिली आहे. त्यामुळे मॅच फिक्सिंग हे इथे आलेच आहे. कोरोनाच्या परिस्थितीनंतर उद्धव ठाकरे हे माध्यमांसमोर आले आहे. मुळात संजय राऊत हे ठाकरेंचे स्तुतीपाठक आहे. त्यामुळे हिंमत असेल तर उद्धव ठाकरे यांनी इतर माध्यमांना मुलाखत द्यावी’, असे थेट आव्हानच पाटील यांनी दिले.

‘महाराष्ट्रात सध्या दोन मुख्यमंत्री आहे. एक जे ‘मातोश्री’वर बसून काम करत आहे. आणि दुसरे हे राज्यभर फिरत आहे’, असं म्हणत त्यांनी शरद पवार यांचं नाव न घेता पाटील यांनी टोला लगावला. ‘सातवीच्या मुलाला सध्याच्या राजकीय स्थितीवर निबंध लिहायला सांगितला तरी ते लिहितील. सरकार जाणार नाही हे कार्यकर्त्यांना निश्वास देण्यासाठीच वक्तव्य उद्धव ठाकरे करत आहे. मुळात तिघे ही भांडतात, मग परत काहीच झाल नाही अस सांगतात’, अशी टीकाही पाटील यांनी केली.

चंद्रकांत पाटील यांच्या या वक्तव्याचा रोख शरद पवार यांच्या दिशेने आहे. गेल्या काही दिवसांत शरद पवार यांनी राज्याच्या अनेक भागांचे दौरे केले आहेत. कालदेखील त्यांनी औरंगाबादमधील कोरोना परिस्थितीचा आढावा घेतला होता. यानंतर झालेल्या पत्रकारपरिषदेत शरद पवार यांनीही उद्धव ठाकरे यांनी मातोश्रीवर बसून तातडीने निर्णय घेणे जास्त गरजेचे असल्याचे म्हटले होते.

News English Summary: Four months later, Uddhav Thackeray has given an interview to the match. So match fixing is here. Uddhav Thackeray has come before the media after Corona’s condition. Basically, Sanjay Raut is a praiser of Thackeray.

News English Title: Interview given to Saamana Newspaper is the match fixing said BJP State President Chandrakant Patil News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.