राज्यात ६ हजार ६०३ नवे कोरोना रुग्ण, १९८ रुग्णांचा मृत्यू

मुंबई, ८ जुलै : आज दिवसभरात राज्यात ६ हजार ६०३ नवे करोनाबाधित रुग्ण आढळले. तर, १९८ जणांचा करोनामुळे मृत्यू झाला. याचबरोबर राज्यातील करोनाबाधितांची संख्या आता २ लाख २३ हजार ७२४ वर पोहचली आहे.

राज्यातील एकूण २ लाख २३ हजार ७२४ करोनाबाधितांमध्ये, आतापर्यंत करोनावर मात केलेल्या १ लाख २३ हजार १९२ जणांचा व करोनामुळे मृत्यू झालेल्या ९ हजार ४४८ जणांचा समावेश आहे. तर आज पॉझिटिव्ह आढळलेल्या रुग्णांमुळे राज्यात ८९ हजार २९४ रुग्ण अॅक्टिव्ह आहेत. राज्याच्या आरोग्य विभागाने ही माहिती दिली आहे.

राज्यात आज 6603 कोरोना बाधीत रुग्णांची वाढ झाली व एकूण संख्या आता 223724 अशी झाली आहे. आज नवीन 4634 कोरोना बाधित रुग्ण बरे झाले आहेत. एकूण 123192 रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 91065 ऍक्टिव्ह रुग्ण आहेत.#CoronaVirusUpdates #MeechMazaRakshak

— Rajesh Tope (@rajeshtope11) July 8, 2020

दरम्यान, राज्यात आता कोरोना लक्षणविरहीत नागरिकांचीही टेस्ट केली जाणार आहे, अशा माहिती राज्याचे आरोग्य मंत्री राजेश टोपे यांनी दिली आहे. राज्यातील नागरिकांच्या जास्तीत जास्त टेस्ट कराव्यात, अशा सूचना केंद्र सरकारनं दिल्या आहे. त्यामुळे आता प्रिस्क्रीपशन शिवाय देखील कोरोना टेस्ट केल्या जाणार आहेत, असंही आरोग्य मंत्र्यांनी स्पष्ट केलं आहे.

दरम्यान, कोरोनावर लवकरच औषध सापडलं नाही तर भारतात भयावह परिस्थिती निर्माण होऊ शकते. फेब्रुवारी २०२१ पासून भारतात दररोज २.८७ लाखांच्या जवळपास नवे रुग्ण आढळून येऊ शकतात असा रिपोर्ट जगविख्यात MIT (Massachusetts Institute of Technology)ने दिला आहे.

News English Summary: Maharashtra reported 6,603 new COVID-19 cases and 198 deaths today, taking the total number of cases to 2,23,724 including 1,23,192 recoveries and 9,448 deaths. Number of active cases stands at 91,065 said State Health Department.

News English Title: Maharashtra Reported 6603 New Covid 19 Cases And 198 Deaths Today News Latest Updates.