पंतप्रधान नरेंद्र मोदींचा चार्ज काढण्यासाठी मी प्रदेशाध्यक्षपदाचा चार्ज घेतला – नाना पटोले

मुंबई, १८ फेब्रुवारी: आतापर्यंत मॅच फिक्सिंगचा काळ खूप चालला. मात्र, आता सर्वसामान्यांना न्याय मिळेल. पंतप्रधान नरेंद्र मोदींचा चार्ज काढण्यासाठी मी प्रदेशाध्यक्षपदाचा चार्ज घेतला आहे,” असा टोला काँग्रेसचे नवनिर्वाचित प्रदेशाध्यक्ष नाना पटोले यांनी भारतीय जनता पक्षाला लगावला. ते नागपुरात एका सभेत बोलत होते. यावेळी त्यांनी भाजपवर चौफेर टीका केली आहे.

“या देशाला काँग्रेसच्या विचाराने स्वातंत्र्य मिळाले. आतापर्यंत मॅच फिक्सिंगचा कार्यकाळ खूप चालला. मात्र, यानंतर सर्वसामान्यांना न्याय मिळेल. देशाचे पंतप्रधान नरेंद्र मोदी यांचा चार्ज काढण्यासाठीच मी प्रदेशाध्यक्षपदाचा चार्ज घेतला आहे,” असे नाना पटोले म्हणाले आहेत.

यावेळी पुढे बोलताना त्यांनी भाजपच्या वेगवेगळ्या धोरणांवर सडकून टीका केली. भारतीय जनता पक्षाने सुशांतसिंग प्रकरणात राज्य सरकारला तीन महिने बदनाम केलं. यात भारतीय जनता पक्षाचा एक मोठा नेता अडकला आहे,” असा आरोप पटोले यांनी केला. तसेच, भारतीय जनता पक्षाचा नेता अडकल्यामुळेच सीबीआयने अहवाल दाबून ठेवला आहे, असा दावा देखील त्यांनी केला.

News English Summary: Match-fixing has been around for a long time. However, now the common man will get justice. I have taken charge of the post of state president to remove the charge of Prime Minister Narendra Modi, ”said Nana Patole, newly elected state president of Congress, to the Bharatiya Janata Party. He was speaking at a meeting in Nagpur. This time, he has sharply criticised the BJP.

News English Title: Maharashtra state president Nana Patole criticised PM Narendra Modi news updates.