महाविकास आघाडी सरकार मिनिमम कॉमन हिंदुत्वावर | मनसेचा खोचक टोला

मुंबई, १३ ऑक्टोबर : राज्यपाल भगतसिंह कोश्यारी यांनी हिंदुत्त्वाची आठवण करून दिल्यानंतर मुख्यमंत्री उद्धव ठाकरे यांनी राज्यपालांना खरमरीत शब्दांत प्रत्युत्तर दिले आहे. राज्यात याच पार्श्वभूमीवर सध्या आरोप-प्रत्यारोपांच्या फैरी झडत असताना आता महाराष्ट्र नवनिर्माण सेनेने देखील या वादात उडी घेतली आहे. “महाविकास आघाडी सरकार स्थापन झाले त्यावेळेस मिनिमम काँमन प्रोग्रॅम ठरला होता. मात्र, हे सरकार मिनिमम कॉमन हिंदुत्वावर गेले आहे”, अशी टीका मनसे सरचिटणीस संदीप देशपांडे यांनी केली आहे.

राज्यातील मंदिरे उघडण्याच्या मागणीसाठी भाजप प्रचंड आक्रमक झाल्याचे पाहायला मिळत आहे. याच पार्श्वभूमीवर, भाजपकडून आज (१३ ऑक्टोबर) राज्यव्यापी आंदोलन देखील करण्यात आले होते. याच विषयी राज्यपालांनी देखील मुख्यमंत्र्यांना पत्र लिहीत त्यांच्या हिंदुत्त्वावर प्रश्न उपस्थित केल्याने मुख्यमंत्र्यांनी राज्यपालांनी खरमरीत शब्दांत उत्तर दिले. यामुळे,मुख्यतः शिवसेना भाजपमधील वाद पेटलेला असतानाच मनसेने देखील आता मुख्यमंत्र्यांवर निशाणा साधला आहे.

“राज्यात मॉल उघडले जातात मग मंदिरं का बंद ठेवली जातात ?” असा सवाल उपस्थित करत “कोरोनासारख्या संकटाच्या काळात देवाचा आधार असतो. यामुळे मंदिर उघडली गेली पाहिजेत”, अशी मागणी संदीप देशपांडेंनी केली आहे. दरम्यान, दीड महिन्यापूर्वी मनसे अध्यक्ष राज ठाकरे यांच्या ‘कृष्णकुंज’वर त्र्यंबकेश्वरच्या पुजाऱ्यांच्या शिष्टमंडळ मंदिर उघडण्याच्या मागणीसाठी आले होते.त्यानंतर राज ठाकरेंनी देखील मंदिरे उघडण्याची मागणी केली होती.

News English Summary: After Governor Bhagat Singh Koshyari reminded us of Hindutva, Chief Minister Uddhav Thackeray has responded to the Governor in harsh words. Against this backdrop, the Maharashtra Navnirman Sena (MNS) has also jumped into the fray. When the Mahavikas Aghadi government was formed, it was a minimum common program. However, this government has gone for minimum common Hindutva, said MNS general secretary Sandeep Deshpande.

News English Title: Mahavikas Aghadi government on minimum common Hindutva says MNS leader Sandeep Deshpande News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.