शिवसेनेतून हकालपट्टी | नंतर शरद पवारांच्या उपस्थितीत महेश कोठे राष्ट्रवादीत

मुंबई, ८ जानेवारी: सोलापूर महापालिकेतील शिवसेना नगरसेवक आणि विरोधी पक्षनेते महेश कोठे यांची शिवसेनेतून कायमची हकालपट्टी करण्यात आल्यानंतर कोठेंनी राष्ट्रवादी काँग्रेसमध्ये प्रवेश केला आहे. आज त्यांचा राष्ट्रवादीत प्रवेश होणार का यावर प्रश्नचिन्ह होते. मात्र, महेश कोठे यांनी राष्ट्रवादीचे अध्यक्ष शरद पवार यांच्या उपस्थितीत हाती घड्याळ बांधले आहे. महेश कोठे यांची शिवसेनेतून हकालपट्टी करण्यात आली होती. त्यांच्या राष्ट्रवादी प्रवेशावरून सेना-राष्ट्रवादीत काहीसा तणाव होता. हा प्रवेश लांबण्याची शक्यता होती. परंतु अखेर खुद्द शरद पवारांच्याच उपस्थितीत महेश कोठे हे राष्ट्रवादीत दाखल झाले आहेत.

शिवसेनेतून हकालपट्टी केल्यानंतर महेश कोठेंचा राष्ट्रवादीत प्रवेश pic.twitter.com/dtHCjXiBhK

— महाराष्ट्रनामा न्यूज (@MahaNewsConnect) January 8, 2021

महेश कोठे यांचे समर्थक असलेल्या अनेक माजी नगरसेवक आणि सामाजिक कार्यकर्त्यांनी राष्ट्रवादीत प्रवेश केलाय. राष्ट्रवादी काँग्रेसचे अध्यक्ष शरद पवार यांच्या उपस्थितीत हा सोहळा पार पडलाय. सोलापूर महापालिकेतील विरोधी पक्षनेते आणि शिवसेना नगरसेवक महेश कोठे हे अनेक दिवसांपासून शिवसेनेत नाराज असल्याची चर्चा होती.

अखेर कोठे यांनी आज राष्ट्रवादी काँग्रेसमध्ये शरद पवार यांच्या उपस्थितीत पक्षप्रवेश केलाय. महेश कोठे यांचे निकटवर्तीय समर्थकांनी आणि सामाजिक कार्यकर्त्यांनी राष्ट्रवादीत प्रवेश केलाय. रियाज मुमिन, माजी नगरसेवक राज महेंद्र कमकम, युवराज चुंबडकर, सलाम शेख, युवराज सर्वडे, नितीन करवा, शाम पांचारिया, बाजू जमादार, परशुराम भिसे यांनी कोठेंबरोबर राष्ट्रवादी प्रवेश केलाय.

News English Summary: After the permanent expulsion of Shiv Sena corporator and Leader of Opposition Mahesh Kothe from Solapur Municipal Corporation, Kothe has joined the NCP. It was questionable whether he would join the NCP today. However, Mahesh Kothe has tied the watch in the presence of NCP president Sharad Pawar. Mahesh Kothe was expelled from Shiv Sena. There was some tension between the Sena and the NCP over his entry into the NCP. This entry was likely to be delayed. But in the end, Mahesh Kode has joined the NCP in the presence of Sharad Pawar himself.

News English Title: Mahesh Kode has joined the NCP in the presence of Sharad Pawar news updates.