भाजपचे आमदार फुटू नये म्हणून काही दिवस ते सरकार पडणार असं बोलत राहतील - जयंत पाटील

मुंबई, १२ नोव्हेंबर: भारतीय जनता पक्षाच्या आमदारांनी पक्ष सोडून महाविकास आघाडीतील पक्षांमध्ये प्रवेश करु नये म्हणून विरोधी पक्षनेते देवेंद्र फडणवीस यांना ‘हे सरकार पडणार’, असे सतत बोलावं लागते, असा टोला राज्याचे मंत्री आणि राष्ट्रवादी काँग्रेसचे प्रदेशाध्यक्ष जयंत पाटील यांनी लगावला. विरोधी पक्षनेते देवेंद्र फडणवीस यांना आपली माणसं टिकवण्यासाठी महाविकास आघाडी सरकार पडणार, असं वारंवार बोलावं लागतं. अजून काही काळ ते असंच बोलत राहतील. त्यानंतर फडणवीस यांचं बोलणं आपोआप बंद होईल, अशी खिल्ली उडविणारी टिपणी सुद्धा जयंत पाटील यांनी केली.

दरम्यान, मराठवाडा पदवीधर मतदारसंघातील राष्ट्रवादी काँग्रेसचे उमेदवार सतीश चव्हाण यांचा उमेदवारी अर्ज दाखल करण्यासाठी जयंत पाटील गुरुवारी औरंगाबादमध्ये आले होते. यानंतर त्यांनी सतीश चव्हाण यांच्या प्रचार कार्यालयाचे देखील उद्घाटन केले. या कार्यक्रमाला राज्याचे आरोग्य मंत्री राजेश टोपे आणि सामाजिक न्याय मंत्री धनंजय मुंडे हे सुद्धा उपस्थित होते. यावेळी त्यांनी प्रसार माध्यमांशी संवाद साधला.

भारतीय जनता पक्षाच्या नेत्या आणि माजी ग्रामविकास मंत्री पंकजा मुंडे यांचे कट्टर समर्थक प्रवीण घुगे यांनी औरंगाबाद पदवीधर मतदारसंघातून भारतीय जनता पक्षविरोधात बंडखोरी करत उमेदवारी अर्ज दाखल केला. तर, बीडचे माजी जिल्हाध्यक्ष रमेश पोकळे यांनी देखील बंडाचे निशाण फडकवत अर्ज भरला आहे. त्यामुळे भारतीय जनता पक्षाची देखील बंडखोरांमुळे डोकेदुखी मोठ्या प्रमाणात वाढली असतानाच राष्ट्रवादीच्या अडचणीत देखील भर पडली आहे.

औरंगाबाद पदवीधर मतदारसंघातून पंकजा मुंडे यांचेच कट्टर समर्थक असलेल्या शिरीष बोराळकर यांना तिकीट देण्यात आले आहे. मात्र, आता मुंडे समर्थकांनी केलेल्या डबल बंडखोरीचा भाजपला मोठा धक्का बसू शकतो असा अंदाज वर्तवला जात आहे.

News English Summary: Opposition leader Devendra Fadnavis has to keep saying, “This government will fall” so that BJP MLAs do not leave the party and join the Mahavikas Alliance, said Jayant Patil, Minister of State for Tola and State President of NCP. Leader of Opposition Devendra Fadnavis has to say again and again that Mahavikas Aghadi government will fall to retain his people. They will keep talking like that for some more time. After that, Fadnavis’s speech will automatically stop, said Jayant Patil.

News English Title: Minister Jayant Patil criticized opposition leader Devendra Fadnavis news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.