KDMC | एक फुटताच दुसऱ्याची नेमणूक | मनोज घरत मनसेचे नवे डोंबिवली शहराध्यक्ष

कल्याण, ०२ फेब्रुवारी: कल्याण डोंबवली महापालिका निवडणुकीपूर्वी शिवसेनेने मनसेला काल मोठा धक्का दिला होता. मुख्यमंत्री उद्धव ठाकरे यांच्या उपस्थितीत मनसेचे प्रदेश उपाध्यक्ष राजेश कदम यांच्यासह डोंबिवलीतील असंख्या कार्यकर्त्यांनी शिवसेनेत प्रवेश केला होता.

त्यानंतर मंदार हळबे यांनी भाजपाची वाट धरली आहे. हे आतापर्यंत २ वेळा नगरसेवक म्हणून निवडून आले आहेत, तर मागील विधानसभा निवडणुकीत मनसेकडून डोंबिवली मतदारसंघाची तिकीट हळबेंना देण्यात आली होती, तेव्हा ३७ हजारांनी मंदार हळबे यांचा पराभव झाला होता. मंदार हळबे हे कल्याण-डोंबिवली महापालिकेत विरोधी पक्षनेतेही होते.

विशेष म्हणजे राजेश कदम आणि मंदार हळबे यांच्या पक्षांतरानंतर मनसे नेत्यांमध्ये अस्वस्थतेचं वातावरण पसरल्याचं दिसत आहे. कल्याण डोंबिवलीत महाराष्ट्र नवनिर्माण सेनेला गळती लागल्यानंतर पक्षाच्या एकमेव आमदाराने कृष्णकुंजवर धाव घेतली. राजू पाटील यांनी राज ठाकरे यांची भेट घेत चर्चा केली. त्यानंतर मनसे प्रमुख राज ठाकरे यांनी आपल्या या बालेकिल्ल्यासाठी नव्या शेलेदाराची नेमणूकही केली. मनोज घरत यांची आता डोंबिवलीच्या शहराध्यक्षपदी निवड करण्यात आली आहे.

News English Summary: After the defection of Rajesh Kadam and Mandar Halbe, an atmosphere of unrest seems to have spread among the MNS leaders. After the Maharashtra Navnirman Sena was defeated in Kalyan Dombivali, the only MLA of the party ran to Krishnakunj. Raju Patil met Raj Thackeray and discussed. After that, MNS chief Raj Thackeray also appointed a new sheledar for his fort. Manoj Gharat has now been elected as the Mayor of Dombivli.

News English Title: MNS Chief Raj Thackeray Appointed Manoj Gharat a New City President For Dombivali Within 24 Hours news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.