उद्या राज ठाकरे यांची नांदेडमध्ये जाहीर सभा, पुन्हा मोदी-शहा लक्ष

नांदेड : लोकसभा निवडणुकीच्या तोंडावर महाराष्ट्र नवनिर्माण सेनेचे अध्यक्ष राज ठाकरे प्रत्यक्ष निवडणुकीच्या आखाड्यात न उतरता भाजपच्या अडचणी राज्यभर सभा घेऊन वाढवत आहेत. लोकसभा निवडणुकीच्या निमित्ताने राज्यभर जाहीर सभा घेऊन एकप्रकारे विधानसभेची तयारीच सुरु केल्याचे म्हटले जात आहे.

आज गुरुवार दि.११ एप्रिल २०१९ रोजी सायं.८.३० वा. महाराष्ट्र नवनिर्माण सेना अध्यक्ष राज ठाकरे हे छत्रपती शिवाजी टर्मिनल येथून देवगिरी एक्सप्रेसने नांदेड करीता रवाना होतील. उद्या शुक्रवार दि १२ एप्रिल २०१९ रोजी सायंकाळी ठीक ५:०० वाजता नवीन मुंडा मैदान, कृषि मार्केट समोर, नांदेड शहर, जि.नांदेड येथे राजसाहेब ठाकरे यांची जाहिर सभा होणार आहे.

मनसेकडून राज ठाकरे यांच्या दौऱ्याचे संपूर्ण वेळापत्रक जाहीर करण्यात आलं असून, जवळपास राज्यभर मोदी आणि अमित शहा यांना लक्ष करून भाजपच्या अडचणी वाढविण्याची योजना असल्याचं समजतं. त्यामुळे सामान्य लोकांसोबत आता भाजपचं देखील राज ठाकरे यांच्या सभेकडे लक्ष लागलं आहे.

असा असेल राज ठाकरे यांचा संपूर्ण दौरा?