ते दरवर्षी स्वा. सावकारांना अभिवादन करतात, पण काही माध्यमं अभिवादन लोकसभेशी जोडत आहेत?

मुंबई : स्वातंत्र्यवीर विनायक दामोदर सावरकर यांची आज १३६ वी जयंती आहे. या निमित्ताने महाराष्ट्र नवनिर्माण सेनेचे अध्यक्ष राज ठाकरे यांनी विनायक दामोदर सावरकर यांना अभिवादन केले आहे. वास्तविक मनसे अध्यक्ष दरवर्षी अशा थोर व्यक्तींना न चुकता अभिवादन करत असतात. मात्र आज काही प्रसार माध्यमांनी त्याचा थेट संबंध कोणताही विषय नसताना लोकसभेशी जोडत म्हटलं आहे, ‘राज ठाकरे यांनी विनायक दामोदर सावरकर यांना अभिवादन करुन यंदाच्या लोकसभा निवडणुकीतील आपल्यावरील ठपका पुसण्याचा प्रयत्न केला आहे.

वास्तविक स्वातंत्र्यवीर विनायक दामोदर सावरकर यांना अभिवादन आणि लोकसभेतील नक्की कोणता ठपका याचं कोणताही विश्लेषण देण्यात आलेलं नाही. त्यामुळे आगामी विधानसभा निवडणुकीच्या तोंडावर मनसे अध्यक्ष राज ठाकरे कोणत्याही भावनिक विषयावर काही विशिष्ठ प्रसार माध्यमांच्या रडारवर राहतील असंच म्हणावं लागेल. मनसे आणि राज ठाकरे यांच्याबद्दलच्या नकारात्मक बातम्या आतापासूनच येण्यास सुरुवात झाली आहे असंच म्हणावं लागेल. तसेच एका विशिष्ट समाजाला समोर ठेवून त्यांच्याविरोधात नियोजनबद्ध बातम्या पेरण्यास सुरुवात झाली आहे असं देखील सूचित होते आहे.

अगदी २०१८ मधील आणि आजचे स्वातंत्र्यवीर विनायक दामोदर सावरकर यांना राज ठाकरे यांनी केलेले अभिवादन देखील दाखवत आहोत, ज्याचा लोकसभा निवडणुकीशी काहीही संबंध नव्हता. त्यामुळे प्रसार माध्यमांनी बातम्या देताना जरा भान राखणं गरजेचे आहे.

#Savarkar
हिंदू राष्ट्रवाद मांडणारे तत्वज्ञ, क्रांतिवीरांचे सेनापती, विज्ञाननिष्ठा व राष्ट्राची शस्त्रसज्जता ह्या विषयी विचार मांडणारे, प्रखर राष्ट्राभिमानी स्वातंत्र्यवीर विनायक दामोदर सावरकर ह्यांच्या स्मृतीस माझं विनम्र अभिवादन. pic.twitter.com/wju09WMQk1

— Raj Thackeray (@RajThackeray) May 28, 2018

क्रांतिवीरांचे सेनापती, हिंदू संघटक, समाजसुधारक, साहित्यिक, विज्ञाननिष्ठा व राष्ट्राची शस्त्रसज्जता ह्या विषयी ठोस विचारमांडणी करणारे, प्रखर राष्ट्राभिमानी स्वातंत्र्यवीर विनायक दामोदर सावरकर ह्यांच्या स्मृतीस महाराष्ट्र नवनिर्माण सेनेचं विनम्र अभिवादन.#VeerSavarkar pic.twitter.com/innCdcawwK

— Raj Thackeray (@RajThackeray) May 28, 2019

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.