शाळांमध्ये मराठी शिकवणं अनिवार्य; मनसेने मानले मुख्यमंत्र्यांचे आभार

मुंबई : महाराष्ट्रात मराठी सक्तीचीच आहे हे महाराष्ट्राला सांगितल्याबद्दल मुख्यमंत्र्यांचे अभिनंदन आणि आभार, अशा शब्दात महाराष्ट्र नवनिर्माण सेनेचे नेते अनिल शिदोरे यांनी मुख्यमंत्री देवेंद्र फडणवीसांचे आभार मानले आहेत. राज्यातील एसएससी, आयसीएसई आणि सीबीएसई अशा सर्व बोर्डाच्या शाळांमध्ये मराठी शिकवणं अनिवार्य आहे, अशी घोषणा मुख्यमंत्री देवेंद्र फडणवीस यांनी काल विधानसभेत केली. यावरच अनिल शिदोरे यांनी ट्विटरवर प्रतिक्रिया देत मुख्यमंत्र्यांचे आभार मानले आहेत.

मनसेने स्थापनेपासूनच या विषयाची मागणी उचलून धरली होती. दरम्यान मुख्यंत्र्यांनी कायदेशीर तरतूद करण्याचे देखील सभागृहात मान्य केलं हे ही स्वागतार्ह आहे, असं ट्वीट शिदोरे यांनी केलं आहे. तसेच, प्रत्येक शाळेत याची अंमलबजावणी होते की नाही हे पाहणं आपली जबाबदारी असल्याचं शिदोरेंनी म्हटलं आहे.

नेमकं काय ट्विट केलं आहे अनिल शिदोरे यांनी?

महाराष्ट्रात मराठी सक्तीचीच आहे हे महाराष्ट्राला सांगितल्याबद्दल मुख्यमंत्र्यांचे अभिनंदन आणि आभार. त्यासाठी कायदेशीर तरतूद करण्याचेही त्यांनी मान्य केले हे ही स्वागतार्ह.. आता आपली जबाबदारी ही की प्रत्येक शाळेत ह्याची अंमलबजावणी होते आहे की नाही हे पहाणे .. जय महाराष्ट्र !

— Anil Shidore (@anilshidore) June 21, 2019

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.