एक आमदार पाठपुरावा दमदार | कल्याणमधील काही रस्त्यांच्या कामांना निधी मंजूर | मनसे आमदाराकडून जाहीर आभार

कल्याण, १२ मे | काही दिवसांपूर्वी मनसे आमदार राजू पाटील यांनी केंद्रीय मंत्री नितीन गडकरी यांची भेट घेतली होती. त्या भेटीत राजू पाटील यांनी कल्याण डोंबिवलीतील विकास कामांसाठी निधी मिळाला यासाठी पाठपुरावा केला होता. त्यावेळी ‘प्रस्ताव पाठवा बाकी मी बघतो, तसेच एखाद्या जवळच्या राष्ट्रीय महामार्गात येणाऱ्या रस्त्याला निधी देतो’असा शब्द त्यांनी दिला होता, तो पूर्ण केला असं स्वतः मनसेचे आमदार राजू पाटील यांनी सांगितलं होतं. यासाठी गडकरींच्या केंद्रीय परिवहन खात्याने तब्बल ४८ कोटी ६१ लाखाचा निधी मंजूर केला होता. त्यामुळे मनसेने देखील केंद्रीय मंत्री नितीन गडकरी यांचे जाहीर आभार मानले आहेत.

आता मनसेचे आमदार राजू पाटील यांनी कल्याणमधील काही रस्त्यांच्या विकास कामांसाठी राज्य सरकारच्या अखत्यारीतील ग्रामीणविकास मंत्रालयाकडे केलेल्या पाठपुराव्याला देखील यश आलं आहे. कल्याण ग्रामीण मतदार संघातील ३०५४/२५१५ लेखाशिर्ष अंतर्गत काही रस्त्यांच्या कामांना १ कोटीचा निधी मंजूर करण्यात आला आहे.

याबाबत स्वतः मनसेचे कल्याण ग्रामीणचे आमदार राजू पाटील यांनी माहिती देताना म्हटलं आहे की, “ग्रामविकास मंत्री मा. ना.हसन मुश्रीफ साहेब यांना कल्याण ग्रामीण मतदार संघातील ३०५४/२५१५ लेखाशिर्ष अंतर्गत काही रस्त्यांच्या कामांना निधी उपलब्ध करून देण्याची विनंती केली होती, त्यासाठी १ कोटी निधी मंजूर केल्याबद्दल हसन मुश्रीफ साहेबांचे मनापासून धन्यवाद !”.

ग्राम विकास मंत्री मा.ना.हसन मुश्रीफ साहेब यांना कल्याण ग्रामीण मतदार संघातील ३०५४/२५१५ लेखाशिर्ष अंतर्गत काही रस्त्यांच्या कामांना निधी उपलब्ध करून देण्याची विनंती केली होती, त्यासाठी १ कोटी निधी मंजूर केल्याबद्दल @mrhasanmushrif साहेबांचे मनापासून धन्यवाद ! pic.twitter.com/fi15nWMAM1

— Raju Patil ( प्रमोद (राजू) रतन पाटील ) (@rajupatilmanase) May 12, 2021

News English Summary: MNS MLA Raju Patil’s follow-up to the Rural Development Ministry under the state government for some road development works in Kalyan has also been successful. 1 crore has been sanctioned for some road works under 3054/2515 account head in Kalyan rural constituency.

News English Title: MNS MLA Raju Patil gave thanks to minister Hasan Mushrif for approval of fund for Kalyan Road news updates.