मराठा आरक्षणावरून संभाजीराजे गरजले | पंतप्रधान मोदींना चारवेळा पत्र दिले | अद्याप भेट दिली नाही

नाशिक, २० मे | मराठा आरक्षणासाठी राज्यभरात आंदोलन करण्यासाठी आग्रही असलेल्या भाजपला संभीजीराजे छत्रपती यांनी चांगल्याच कानपिचक्या दिल्या आहेत. मराठा आरक्षणाच्या मुद्द्यावर तोडगा काढण्यासाठी मला पंतप्रधान नरेंद्र मोदी यांनी भेट हवी होती. त्यासाठी मी चारवेळेला पंतप्रधान मोदींना पत्रही दिले. परंतु, अद्याप त्यांनी मला भेटीसाठी वेळ दिलेली नाही, असे सांगत संभाजीराजे छत्रपती यांनी उघडपणे नाराजी व्यक्त केली.

ते गुरुवारी नाशिकमध्ये प्रसारमाध्यमांशी बोलत होते. राज्यात भारतीय जनता पक्षाने मराठा आरक्षणासंदर्भात त्यांची भूमिका घ्यावी. मी काही भारतीय जनता पक्षाचा ठेका घेतलेला नाही. त्यांनी मराठा समाजाच्या भावनेशी खेळू नये, त्यावर मार्ग काढावा. आंदोलन काय असतं, हे कोणीही मला शिकवू नये. आक्रमक व्हायला दोन मिनिटं लागतात. आंदोलनाला काय लागतं, आता लगेच करु. पण त्यामध्ये कोणी मयत झाले तर त्याला जबाबदार कोण, शाहुंचा वंशज, असा सवाल संभाजीराजे यांनी उपस्थित केला.

माझ्याकडे अनुभव असला तरी मराठा आरक्षणाच्या प्रश्नावर माझ्यापेक्षा जास्त अभ्यास असलेले अनेकजण आहेत. त्यांच्याशी चर्चा करुन मी 27 तारखेला माझी भूमिका मांडेन. एकदा मी पाय पुढे टाकला की मागे घेणार नाही. त्यावेळी मराठा आमदार आणि खासदारांनी माझं-तुझं केलं तर बघा, असा इशाराही संभाजीराजे छत्रपती यांनी दिला.

News English Summary: MP Chhatrapati Sambhiji Raje has given a good ear to the BJP which is insisting on agitating for Maratha reservation across the state. I wanted a meeting with Prime Minister Narendra Modi to resolve the issue of Maratha reservation. For this, I also gave letters to Prime Minister Modi four times. But, they have not given me time to visit yet

News English Title: Modi never gave me time even after writing a letter to PM Modi over Maratha Reservation said MP Chhatrapati Sambhiji Raje news updates.