भाजपा मुबंईत चितपट होणार | म्हणून ते आतापासून तयारीला लागले आहेत - जयंत पाटील

पुणे, २० नोव्हेंबर: राष्ट्रवादीचे प्रदेशाध्यक्ष जयंत पाटील (NCP State Presient Jayant Patil) यांनी पुणे शिक्षक व पदवीधर मतदारसंघाचा (Pune Teachers and Graduates Constituency) आढावा घेतला. महाविकास आघाडीतील सर्व पक्षाचे नेते यावेळी उपस्थितीत होते. महाविकास आघाडीचे अधिकृत उमेदवार अरुण लाड आणि जयंत आजगावकर यांच्या प्रचाराची सुरवात झाली. उद्यापासून पुणे जिल्ह्यात प्रचार सुरू होणार असून, त्याचा देखील आढावा यावेळी जयंत पाटील यांनी घेतला. यावेळी प्रसार माध्यमांशी संवाद साधताना जयंत पाटील म्हणाले,”महाराष्ट्रात ५ जागांसाठी महाविकास आघाडीचे उमेदवार आहेत. सर्वच्या सर्व ५ ही जागांवर आमचे उमेदवार निवडून येतील. आम्ही तिन्ही पक्ष संयुक्त प्रचार करत आहोत, कोणी कुठं जायच तसं ठरलेलं आहे. देशात आर्थिक मंदीमुळे पदवीधरांसमोर मोठं संकट उभे राहिले आहे. कोविडच्या आधी आर्थिक मंदी आली आहे. त्यामुळे यातून बाहेर काढणे गरजेच आहे. आमचं सरकार ते करेल,” असं पाटील म्हणाले.

“मुबंई महानगरपालिका निवडणुकीत सर्वांनी एकत्रित आलं पाहिजे, अशी आमची भूमिका आहे. स्थानिक स्वराज्य संस्थांच्या निवडणुकांबाबत स्थानिक स्तरावर निर्णय होईल. अजून महापालिका निवडणूक लांब आहेत, त्यामुळे अजून वेळ आहे.

भारतीय जनता पक्ष मुबंईमध्ये चितपट होणार. आतापासून सुरुवात केली तर त्यांना महत्व देऊ नका. ज्यांचा पराभव होणार ते आधीच तयारी करत आहे. त्यांना आम्हीच चितपट करणार आहे. देवेंद्र फडणवीस आता उठाबशा काढत असले, तरी त्यांना माहिती झाले आहे की, पराभव होणार आहे म्हणून ते आता तयारी करत आहे.

News English Summary: NCP State President Jayant Patil reviewed the Pune Teachers and Graduates Constituency. Leaders of all parties in the Mahavikas Aghadi were present on the occasion. Mahavikas Aghadi’s official candidates Arun Lad and Jayant Azgaonkar started their campaign. The campaign will start in Pune district from tomorrow, which was also reviewed by Jayant Patil. Talking to media on this occasion, Jayant Patil said, “Mahavikas Aghadi has candidates for 5 seats in Maharashtra. Our candidates will be elected for all the 5 seats. We, the three parties, are campaigning jointly.

News English Title: Mumbai Municipal Corporation Election 2020 minister Jayant Patil predict about BJP News updates.