नाणार प्रकल्पग्रस्तांची 'राज भेट'

मुंबई : कोकणातील नाणार ऑईल रिफायनरी प्रकल्पाचा मुद्दा संपूर्ण कोकणात पेट घेण्याची शक्यता आहे. काल नाणार प्रकल्पग्रतांनी राष्ट्रवादीचे सर्वेसेवा शरद पवार यांची भेट घेतली आणि आज ते मनसे अध्यक्ष राज ठाकरे यांची भेट घेणार आहेत.

कोकणातील नाणार ऑईल रिफायनरी प्रकल्पाविरोधात या संघटनेचे पदाधिकारी आणि स्थानिक कार्यकर्ते राज ठाकरे यांची त्यांच्या निवास्थानी भेट घेणार आहेत. स्थानिकांनी विरोध तीव्र करण्यासाठी ठरवले असून त्यासाठीच ही भेट असल्याचे समजते. मागे राज ठाकरे यांनी रत्नागिरी दौरा करून प्रत्यक्ष ठिकाणी प्रकल्पग्रस्तांची भेट घेतली होती.

राज्याच्या मुख्यमंत्र्यांनी नाणार प्रकल्प होणारच असं विधान केल्याने परिस्थिती अधिकच चिघळण्याची चिन्ह आहेत. सौदी अरेबियातील मोठी कंपनी अराम्को या कंपनीत मोठी गुंतवणूक करणार असल्याचे समोर आले आहे. तर या ऑईल रिफायनरी प्रकल्पामुळे कोकणाच्या निसर्गाला आणि नद्यांना मोठी हानी पोहोचणार असल्याचे मत व्यक्त केलं जात आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.