लोटसचं ऑपरेशन | अशोक चव्हाणांनी नांदेडमध्ये भाजपचा मोठा नेता फोडून स्पर्धक संपवले

नांदेड, ६ डिसेंबर: राज्यातील पदवीधर आणि शिक्षक मतदारसंघाचे निकाल लागले आणि भारतीय जनता पक्षाची राज्यातील दशा आणि दिशा दिसू लागली आहे. आमदार फुटले तरी शिवसेना, राष्ट्रवादी आणि काँग्रेसच्या महाविकास आघाडीसमोर पुन्हा निवडून येणे जवळपास अशक्य असल्याचे संकेत महाविकास आघाडीतील आमदारांना देखील मिळले असतील. मात्र भारतीय जनता नेते मंडळींना देखील त्या मिळाले असावेत. परिणामी भारतीय जनता पक्षाचं ऑपरेशन लोटस आता बारगळलं असलं तरी दुसऱ्या बाजूला ‘लोटसचच ऑपरेशन’ सुरु झाल्याचं पाहायला मिळत आहे.

भारतीय जनता पक्षाचे नेते नागनाथ घिसेवाड (BJP Leader Nagnath Ghisewad) यांनी काँग्रेसचे दिग्गज नेते आणि महाविकास आघाडीतील सार्वजनिक बांधकाम मंत्री अशोक चव्हाण (PWD Minister Ashok Chavan) यांच्या उपस्थितीत काँग्रेसमध्ये जाहीर प्रवेश केला. बहुजनांचे नेते अशी ओळख असलेल्या घिसेवाड यांच्या प्रवेशामुळे नांदेडमध्ये काँग्रेसला मोठा फायदा होणार आहे.

अशोक चव्हाणांनी नांदेडमध्ये भाजपचा मोठा नेता फोडून स्पर्धक संपवले pic.twitter.com/krE5Jgkb3e

— महाराष्ट्रनामा न्यूज (@MahaNewsConnect) December 6, 2020

भोकर तालुक्यात मोठा जनाधार आणि कार्यकर्त्यांची फौज घिसेवाड यांच्या पाठीशी आहे. आगामी काळात भोकर नगरपरिषदेची निवडणूक होणार आहे (Bhokar Municipal Council elections will be held in the near future). घिसेवाड यांच्या पक्षांतरामुळे भोकरमध्ये काँग्रेसला स्पर्धकच शिल्लक राहिलेला नाही. दरम्यान, अशोक चव्हाण यांच्या नेतृत्वाखाली आपण भोकरमध्ये पक्ष वाढीचे काम करणार असल्याचं नागनाथ घिसेवाड यांनी पत्रकार परिषदेत सांगितलं.

नागनाथ घिसेवाड हे नांदेड जिल्ह्यातील लोकप्रिय बहुजन नेतृत्व म्हणून प्रसिद्ध (Nagnath Ghisewad is known as a popular Bahujan leader in Nanded district) आहेत. तब्बल दोन वेळा त्यांनी भोकर विधानसभेची निवडणूक त्यांनी लढवली होती, दोन्हीही वेळा अत्यल्प मताने त्यांचा पराभव झाला होता. १९९९ मध्ये विधानसभा निवडणुकीत तर ते केवळ ५०० मतांनी पराभूत झाले होते. त्यानंतर २००४ च्या विधानसभेला ते केवळ २००० मतांनी मागे पडले. दोन्ही वेळा ते दुसऱ्या क्रमांकावर आले होते. तेव्हापासून बहुजन नेते अशी त्यांची ओळख झाली आहे. त्यांच्या काँग्रेस प्रवेशाने नांदेडमधून भारतीय जनता पक्षाची काँग्रेससोबतची स्पर्धा संपल्यात जमा आहे.

News English Summary: Bharatiya Janata Party (BJP) leader Nagnath Ghisewad entered the Congress in the presence of veteran Congress leader and PWD Minister Ashok Chavan. The entry of Ghisewad, a well-known Bahujan leader, will be of great benefit to the Congress in Nanded.

News English Title: Nanded Bhokar BJP leader Nagnath Ghisewad joins congress party in presence of minister Ashok Chavan News updates.