भाजपाची सत्ता असलेल्या नाशिक महापालिकेत ढिसाळ कारभार | ऑक्सिजन गळतीने २२ रुग्णांचा तडफडून मृत्यू

नाशिक, २१ एप्रिल: राज्यात एकीकडे ऑक्सिजनची कमतरता भासत असताना दुसरीकडे नाशिकमधील महापालिकेच्या झाकीर हुसेन रुग्णालयात ऑक्सिजनची गळती झाल्याची धक्कादायक दुर्घटना झाली आहे. या ऑक्सिजन गळती दुर्घटनेत 22 पेक्षा जास्त रुग्ण दगावल्याची माहिती मिळत आहे. दरम्यान सद्यस्थितीत अग्निशमन दलाकडून गळती थांबवण्याचे काम सुरु आहे.

नाशिक महानगरपालिकेच्या झाकीर हुसेन रुग्णालयात दुपारी 12.30 च्या सुमारास ऑक्सिजनची गळती झाल्याचा प्रकार घडला. यानंतर ही गळती थांबवण्यासाठी प्रशासनाची एकच गर्दी पाहायला मिळाली. या रुग्णालयात 150 लोक व्हेंटिलेटरवर होते. त्यातील 22 जणांचा मृत्यू झाल्याची भीती व्यक्त केली जात आहे. तर 30 जण मृत्यूच्या दाढेत असल्याचे बोललं जात आहे.

रुग्णालयात पुरवठा होणाऱ्या ऑक्सिजनच्या पाइपमधून गळतीला सुरुवात झाली. आता हे पाइप कापून दुरुस्त करण्यात आले. परंतु, दुरुस्तीच्या कालावधीत रुग्णांना ऑक्सिजनचा पुरवठा पूर्णपणे बंद असल्याने काहींचा जीव गेला. रुग्णालयात 171 कोरोना रुग्ण ऑक्सिजनवर होते. तर 67 रुग्ण व्हेंटिलेटरवर होते. 22 जणांच्या मृत्यूनंतर आणखी काही रुग्णांची अवस्था गंभीर झाल्याची माहिती समोर येत आहे. सध्या नाशिक महानगरपालिकेत भाजपाची सत्ता आहे.

VIDEO | नाशिकच्या झाकीर हुसेन रुग्णालयात ऑक्सिजन गळती pic.twitter.com/t8a1lqcxiR

— महाराष्ट्रनामा न्यूज (@MahaNewsConnect) April 21, 2021

नाशिकमधील ऑक्सिजन लिकेज प्रकरणात बावीस रूग्णांना जीव गमवावे लागले आहेत. जिल्हाधिकारी सूरज मांढरे यांचा वृत्ताला दुजोरा. आकडा वाढू शकतो. @surmayu @mataonline @MataNashik

— Parag Karandikar (@ParagKMT) April 21, 2021

News English Summary: While there is a shortage of oxygen in the state on the one hand, on the other hand, a shocking accident has taken place at the Zakir Hussain Hospital in Nashik. It is learned that more than 11 patients were killed in this oxygen leak accident. Meanwhile, the fire brigade is currently working to stop the leak.

News English Title: Nashik Oxygen Tank Leak in corona pandemic news updates.