काल फडणवीस नाथाभाऊंच्या घरी गेले होते, आज नाथाभाऊ शरद पवारांच्या भेटीसाठी पोहोचले

मुंबई, ०२ जून | राज्याचे विधानसभा विरोधी पक्षनेते देवेंद्र फडणवीस यांनी राष्ट्रवादी काँग्रेसचे अध्यक्ष शरद पवार यांची भेट घेतल्यानंतर राजकीय वर्तुळात चर्चा रंगली आहे. दरम्यान एकीकडे फडणवीसांच्या भेटीमुळे आश्चर्य व्यक्त होत असतानाच एकनाथ खडसे देखील राष्ट्रवादीचे अध्यक्ष शरद पवारांच्या भेटीसाठी त्यांच्या निवासस्थानी पोहोचले आहेत.

विशेष म्हणजे काल फडणवीसांनी मंगळवारी जळगाव दौऱ्यात खडसेंच्या घरी भेट दिली होती. त्यानंतर लगेचच खडसे पवारांच्या भेटीसाठी पोहोचल्याने नव्याने चर्चेला सुरुवात झाली आहे.

३१ मे रोजी देवेंद्र फडणवीस शरद पवारांच्या भेटीसाठी पोहोचले होते. सिल्व्हर ओक या शरद पवारांच्या निवासस्थानी ही भेट झाली होती. फडणवीसांनी ही सदिच्छा भेट असल्याचं स्पष्ट केलं होतं. दरम्यान मंगळवारी देवेंद्र फडणवीस यांनी एकनाथ खडसेंच्या कोथळी येथील घरी सदिच्छा भेट दिली. यावेळी त्यांनी खडसेंच्या सून आणि भाजपा खासदार रक्षा खडसे यांच्यासह इतर भारतीय जनता पक्षाच्या पदाधिकाऱ्यांची भेट घेतली.

News English Summary: Eknath Khadse has also reached his residence to meet Sharad Pawar. It is noteworthy that Devendra Fadnavis had visited Khadse’s house during his visit to Jalgaon on Tuesday. Immediately after that, Khadse reached for Pawar’s visit and a new discussion has started.

News English Title: NCP Eknath Khase meet Sharad Pawar at Silver Oak news updates.