परळीत फक्त धनंजय मुंडे! महाविकास आघाडीच्या परळीत पहिल्या सरपंच

परळी: परळी विधानसभा मतदारसंघात भारतीय जनता पक्षाच्या दिग्गज नेत्या पंकजा मुंडे यांना विधानसभा निवडणुकीत पराभूत केल्यानंतर राष्ट्रवादीच्या धनंजय मुंडे अजून स्थानिक पातळीवरील राजकीय धक्के देणं सुरूच ठेवलं आहे. मात्र, अजून एक महत्वाची गोष्ट म्हणजे येथील स्थानिक सरपंच पदाच्या निवडणुकीत महाविकास आघाडीची एकी पहिल्यांदा पाहायला मिळाली आहे.

शिरसाळा ग्रामपंचाय निवडणुकीत राष्ट्रवादी, काँग्रेस आणि शिवसेनेने एकंच उमेदवार दिला होता आणि त्याचा फटका पंकजा मुंडेंच्या गटाला बसला आहे. विशेष म्हणजे परळीत महाविकास आघाडीच्या सरपंच पहिल्यांदाच निवडून आल्या आहेत. त्यामुळे भविष्यात स्थानिक स्वराज्य संस्थांच्या निवडणुकीत असे प्रयोग केले गेल्यास भारतीय जनता पक्षाची डोकेदुखी वाढणार असल्याचं म्हटलं जातं आहे.

स्थानिक स्वराज संस्थांमधील ग्रामपंयात निवडणुकींतून महाविकास आघाडीचा पहिला सरपंच निवडून आला आहे. आमदार धनंजय मुंडेंच्या मतदारसंघातील शिरसाळा ग्रामपंचायतीवर हा विजय मिळाला आहे. राष्ट्रवादी काँग्रेस, काँग्रेस व शिवसेना या महाविकास आघाडीच्या उमेदवार आश्रूबाई विश्वनाथ किरवले यांना पहिल्या सरपंच पदाचा मान मिळाला आहे. धनंजय मुंडेंनी याबाबत ट्विट करुन आश्रुबाईंचे अभिनंदन केले आहे. तसेच, परळी मतदारसंघातून महाविकास आघाडीचा पहिला सरपंच निवडून आल्याचा मला अभिमान आहे, असेही त्यांनी म्हटलंय.

राष्ट्रवादी काँग्रेस, काँग्रेस व शिवसेना या तीन पक्षांच्या महाविकास आघाडीने आपला पहिला विजय बीड जिल्ह्यातील परळी तालुक्यात नोंदवला याचा मला सार्थ अभिमान आहे. सिरसाळा ग्रामपंचायतीच्या सरपंच पदाची निवडणूक श्रीमती आश्रुबाई विश्वनाथ किरवले यांनी जिंकली. ताई तुमचे हार्दिक अभिनंदन! pic.twitter.com/twRGSEbWde

— Dhananjay Munde (@dhananjay_munde) December 9, 2019

एका बाजूला परळीत स्थानिक पातळीवर या घाडामोडी घडत असताना दुसरीकडे भाजपच्या मराठवाडा विभागीय बैठकीला माजी मंत्री पंकजा मुंडे या उपस्थित राहणार नसल्याचं वृत्त आहे. तसेच १२ डिसेंबरला त्या मोठा राजकीय निर्णय घेणार असल्याचं म्हटलं जातं असून मराठवाड्यात भाजपाची डोकेदुखी वाढली आहे.

NCP Leader Dhananjay Munde Defeat BJP Candidate First Sarpanch Elected at Pankaja Munde Parli Constituency with Alliance of Mahavikas Aghadi

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.