सांगली: जयंत पाटील प्रत्यक्ष मदतीसाठी मैदानात; तर त्यांच्या पत्नी पुरग्रस्तांच्या जेवणाची काळजी घेत आहेत

कोल्हापूर : सांगलीत आलेल्या महापूरामुळे राष्ट्रवादी कॉंग्रेसची ‘शिवस्वराज्य’ यात्रा स्थगित केली आहे. पक्षाध्यक्ष शरद पवार यांनी याबाबतची माहिती दिली आहे. आज पुण्यात राष्ट्रवादी कॉंग्रेस अध्यक्ष शरद पवार यांनी कोल्हापूर व सांगली जिल्ह्यामध्ये आलेल्या पुराबाबत पत्रकार परिषद घेतली होती. त्यावेळी ते बोलत होते.

यावेळी पवार म्हणाले की, कोल्हापूर व सांगली जिल्ह्यामध्ये आलेल्या पुरामुळे नागरिकांचे प्रचंड हाल होत आहेत, शासकीय पातळीवर सर्व मदत करण्याचे प्रयत्न केले जात आहेत. राष्ट्रवादी काँग्रेसने देखील पूरग्रस्तांच्या मदतीसाठी हात पुढे केला आहे, पक्षाचे सर्व लोकप्रतिनिधी मिळून 50 लाख रुपयांची मदत पूरग्रस्तांना करणार आहेत.

कितीही आपत्कालीन परिस्थिती समोर उभी राहिली तरी शेवटच्या व्यक्तीपर्यंत मदत पोहचवण्याची व्यवस्था आम्ही आमच्या परीने करत आहोत.
या संकटाला धीराने, एकमेकांच्या साथीने सामोरे जाऊया!#MaharashtraFloods .@ncpspeaks pic.twitter.com/R2rKFV41wZ

— Jayant Patil (@Jayant_R_Patil) August 8, 2019

सांगलीतील अभूतपूर्व पुराला तोंड देताना ज्या गावांना पुराच्या पाण्याचा वेढा आलाय व जी माणसं अडकली आहेत त्यांनी या प्रसंगाला धीरानं तोंड देणं आवश्यक आहे. बचावकार्यातील बोटींमध्ये जेवढी क्षमता आहे तेवढीच माणसं बसवणं व ती माणसं बाहेर आणण्याचा प्रयत्न करणे आवश्यक आहे – @Jayant_R_Patil pic.twitter.com/HD0z2iW7Bo

— NCP (@NCPspeaks) August 8, 2019

दुसरीकडे राष्ट्रवादीचे प्रदेशाध्यक्ष जयंत पाटील सांगलीच्या प्रत्यक्ष मदतकार्यात उतरले असताना आणि त्यांच्या अर्धांगिनी सौ. शैलजा पाटील, मागील ४ दिवसापासून स्वतः पुरग्रस्तांच्या मदतीसाठी आणि पोटापाण्याचं पाहण्यासाठी आपल्या सहकारी महिलांसोबत जेवण तयार करून, सांगलीतील पूरग्रस्त गावांमध्ये जेवणाचे पाकीट वाटत होण्याची योग्य काळजी घेत आहेत. दरम्यान सांगलीतील विविध पूरग्रस्त गावातील प्रतिदिन जवळपास ५ हजार लोकांना ते जेवणाचे पाकीट स्वयंसेवकामार्फत पोहोचविण्याची जवाबदारी पार पाडत आहे आणि ते कौतुकास्पद आहे. त्यांनी मागील ४ दिवसापासून त्यांचा हा रोजचा दिनक्रम पाळला आहे. सागंलीकरांच्या प्रेमापोटी आणि त्यांनी दिलेल्या प्रेमापोटी जयंत पाटील यांचे संपूर्ण कुटुंब सांगलीकरांच्या मदतीला मैदानात उतरले आहेत.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.