VIDEO | आता खासदारकीचा राजीनामा द्यावा आणि अभिनय क्षेत्रात पुन्हा नशीब आजमावून पाहावं - रुपाली चाकणकर

पुणे, ०८ जून | सतत चर्चेत असणाऱ्या अमरावतीच्या खासदार नवनीत राणा कौर यांना मोठा धक्का बसला आहे. नवनीत राणा कौर यांचे मुंबई हायकोर्टाने सादर केलेले जात प्रमाणपत्र रद्द केले आहे. हायकोर्टाने नवनीत राणा यांचे जातीचे प्रमाणपत्र खोटे ठरवल्याने त्यांच्यावर आता टीका होऊ लागली आहे. राष्ट्रवादीच्या प्रदेशाध्यक्षा रुपाली चाकणकर यांनी नवनीत राणा यांच्यावर निशाणा साधत अमरावतीची जनता पुन्हा तुम्हाला रिटेकची संधी देणार नाही असं म्हटलं आहे.

रुपाली चाकणकर यांनी ट्विटरवरती एक व्हिडिओ शेअर करत नवनीत राणा यांच्यावर निशाणा साधला आहे. दरम्यान, चाकणकर यांनी म्हटलं आहे की, अमरावती मतदारसंघ हा अनुसूचित जातीसाठी राखीव आहे. परंतु नवनीत राणा यांनी खोटी जातीचे प्रमणपत्र देऊन ही निवडणूक जिंकली. परंतु आज उच्च न्यायालयाने आपला दाखला दिलेला आहे की, नवनीत राणा यांनी जातीची प्रमाणपत्रे खोटी सादर केलेली आहेत. नवनीत राणा रील लाईफ आणि रियल लाइफमध्ये खूप मोठा फरक आहे. असं देखील चाकणकर म्हणाल्या.

नवनीत राणा यांच्या मध्ये थोडी जरी नैतिकता शिल्लक असेल तर त्यांनी आता खासदारकीचा राजीनामा द्यावा आणि अभिनय क्षेत्रात पुन्हा नशीब आजमावून पाहावं. pic.twitter.com/9sebS16kX4

— Rupali Chakankar (@ChakankarSpeaks) June 8, 2021

दरम्यान, पुढे बोलताना चाकणकर म्हणाल्या की, अभिनय क्षेत्रात एखादा सिन तुम्हाला रिटेक वर रिटेक करून तो सीन तुम्हाला परफेक्ट करता येईलही, मात्र अमरावतीची जनता तुम्हाला पुन्हा रिटेकची संधी देणार नाही. कारण आपण अमरावतीच्या लाखो जनतेचा अपमान तर केलाच आहे. त्याचबरोबर भारतरत्न डॉक्टर बाबासाहेब आंबेडकर यांनी दिलेल्या घटनेचा देखील अपमान केला आहे. जर थोडी जर नैतिकता शिल्लक असेल तर आपण राजीनामा द्यावा आणि अभिनय क्षेत्रात आपल नशीब आजमावून पहावे. असं चाकणकर म्हणाल्या.

News English Summary: Amravati MP Navneet Rana Kaur, who is in constant discussion, has been shocked. Navneet Rana Kaur’s caste certificate submitted by Mumbai High Court has been canceled. Navneet Rana’s caste certificate has been found to be false by the High Court. NCP state president Rupali Chakankar has targeted Navneet Rana and said that the people of Amravati will not give you a chance to retake.

News English Title: NCP leader Rupali Chakankar slams MP Navneet Kaur Rana after Mumbai High court decision on caste certificate news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.