फडणवीसजी सरकार लोकांचे जीव वाचविण्यात व्यस्त, तुम्ही भाजपची माशा मारण्याची स्पर्धा भरवत बसा - राष्ट्रवादी

मुंबई, १५ मे | मराठा आरक्षणाच्या मुद्द्यावरून विरोधी पक्षनेते देवेंद्र फडणवीस यांनी राज्य सरकारवर जोरदार टीका केली होती. प्रत्येक गोष्टीत राज्य सरकार केंद्राकडे बोट दाखवत आहे. राज्यांनी ऊठसूट केंद्राकडे बोट दाखवणं थांबवलं पाहिजे. सर्वच जर केंद्राने करायचं तर राज्यांनी काय माशा मारायच्या का?, असा सवाल देवेंद्र फडणवीस यांनी केला होता.

फडणवीसांच्या टीकेला राष्ट्रवादीने प्रतिउउतर दिलं आहे. फडणवीसजी तुम्हाला आता माशा मारण्याशिवाय कामच काय उरलं आहे? असा जबरदस्त टोला राष्ट्रवादी काँग्रेसचे राष्ट्रीय प्रवक्ते आणि अल्पसंख्याक मंत्री नवाब मलिक यांनी लगावला आहे. विरोधी पक्षनेते देवेंद्र फडणवीस यांनी केलेल्या टिकेला नवाब मलिक यांनी त्यांच्याच भाषेत उत्तर दिले आहे.

आम्ही लोकांचे जीव वाचवण्यासाठी काम करत आहोत व करत राहू. तुम्ही माशा मारण्यातच आनंद घ्या. गरज पडल्यास भाजप माशा मारणे स्पर्धाही भरवा! असा सल्लाही नवाब मलिक यांनी भाजपला दिला आहे. दरम्यान, नवाब मलिक यांच्या या खोचक सल्याला भाजपकडून पुन्हा काय उत्तर दिले जाणार हे पाहणे महत्त्वाचे असणार आहे.

फडणवीसजी तुम्हाला आता माशा मारण्याशिवाय कामच काय उरलं आहे? आम्ही लोकांचे जीव वाचवण्यासाठी काम करत आहोत व करत राहू. तुम्ही माशा मारण्यातच आनंद घ्या. गरज पडल्यास भाजपा माशा मारणे स्पर्धाही भरवा!

— Nawab Malik نواب ملک नवाब मलिक (@nawabmalikncp) May 15, 2021

दरम्यान, राज्यात शुक्रवारी एकूण ३९,९२३ नवे कोरोना रुग्ण आढळले. तर ६९५ मृत्यूंची नोंद झाली. दरम्यान, एका दिवसात ५३,२४९ रुग्ण पूर्ण बरे होऊन परतले आहेत. एकूण रुग्णसंख्या ५३,०९,२१५ झाली आहे.

News English Summary: Opposition leader Devendra Fadnavis had strongly criticized the state government on the issue of Maratha reservation. In everything, the state government is pointing the finger at the Center. States should stop pointing fingers at the Center.

News English Title: NCP minister Nawab Malik reply to Devendra Fadnavis over statement regarding Maratha reservation review petition news updates.