वारकऱ्यांनो सावधान | श्री विठ्ठल महापूजेला विरोध करणारे ते RSS'चे चमचे आहेत - आ. मिटकरी

मुंबई, २२ नोव्हेंबर: राज्याचे उपमुख्यमंत्री अजित पवार यांच्या हस्ते कार्तिकी एकादशीला श्री विठ्ठलाची महापूजा पार पडणार आहे आहे. मात्र या पूजेला विरोध करणारे वारकरी नसून संघाचे चमचे आहेत असं राष्ट्रवादीचे विधान परिषदेचेआमदार अमोल मिटकरी यांनी ट्विट केलं आहे. “तुका म्हणे खळ! करु समयी निर्मळ” असं देखील त्यांनी त्यांच्या ट्विटमध्ये म्हटलं आहे.

महापूजेला विरोध करणारे वारकरी नसून राष्ट्रीय स्वयंसेवक संघाचे चमचे आहेत. वारकऱ्यांच्या नावाखाली पूजेला विरोध करणाऱ्या भारतीय जनता पक्षाच्या कंपनीपासून वारकऱ्यांनी सावध रहावे अशी टीका राष्ट्रवादीचे आमदार अमोल मिटकरी यांनी केली आहे. काल त्यांनी एक ट्विट करत त्यांनी भारतीय जनता पक्षावर टीका केली आहे.

मा. उपमुख्यमंत्रत्र्यांच्या कार्तिकी एकादशीच्या श्री विठ्ठल महापूजेला विरोध करणारे वारकरी नसुन संघाचे चमचे आहेत. वारकऱ्यांच्या नावाखाली विठ्ठल पुजेला विरोध करणाऱ्या या भाजपा कंपनी पासुन वारकऱ्यानी सावध असावे.
“तुका म्हणे खळ l करू समयी निर्मळ ll
पुजा होणारच. @TV9Marathi pic.twitter.com/cdsCH57FxU

— आ. अमोल रामकृष्ण मिटकरी (@amolmitkari22) November 21, 2020

यंदा कार्तिकीच्या यात्रेनिमित्त निघणाऱ्या दिंड्यांना परवानगी नाकारण्यात आली आहे. पुण्याच्या जिल्हाधिकाऱ्यांनी यासंबंधीचे आदेश काढले आहेत. आषाढीच्या वेळीही वारीचे स्वरुप हे मर्यादित होते. आता कार्तिकी एकादशीच्या निमित्ताने पंढरपूर येथे दिंड्या दाखल होण्याची शक्यता आहे. मात्र देवस्थानात करण्यात येणारे नित्योपचार मोजक्या मान्यवरांच्या उपस्थितीत आणि करोनाचा प्रादुर्भाव होऊ नये यासाठीचे आखून दिलेले नियम आहेत त्यानुसार होणार आहेत.

श्रींचा पलंग काढल्याने विविध संकेतस्थळावर www.vitthalrukminimandir.org, मोबाईल अँप – श्री विठ्ठल रुक्मिणी देवस्थान व खाजगी वृत वाहिनीवर उपलब्ध असलेले विठ्ठलाचाचे दर्शन २४ तास सुरू राहील. मात्र राज्य शासनाने नुकत्याच १४ नोव्हेंबर २०२० रोजी दिलेल्या आदेशानुसार विठ्ठलाचे मुखदर्शन कार्तिकी यात्रा कालावधीत कोणत्या दिवशी व वेळी उपलब्ध राहील, यांची नव्याने सूचना मंदिर समिती कडून देण्यात येईल अशी माहिती मंदिर समितीचे कार्यकारी विठ्ठल जोशी यांनी दिली.

News English Summary: State Deputy Chief Minister Ajit Pawar will pay homage to Lord Vitthal on Karthiki Ekadashi. However, Amol Mitkari, MLA of NCP’s Legislative Council has tweeted that it is not Warakaris who oppose this pooja but Sangh’s spoons. It is not Warakaris who oppose Mahapuja but Rashtriya Swayamsevak Sangh. NCP MLA Amol Mitkari has said that Warakaris should beware of the BJP company which opposes worship under the name of Warakaris. In a tweet yesterday, he criticized the Bharatiya Janata Party.

News English Title: NCP MLA Amol Mitkari criticize on BJP Varkari and Shree Vitthal Mahapuja topic News updates.