राष्ट्रवादी काँग्रेसला ओहोटी | अशा बातम्या वर्षभरापूर्वी येत होत्या | पण...

मुंबई, २१ ऑक्टोबर: गेले अनेक दिवस भाजपचे ज्येष्ठ नेते एकनाथ खडसे पक्षावर नाराज असल्याच्या बातम्या येत होत्याच. त्यानंतर भाजपला रामराम करत ते राष्ट्रवादीची वाट धरणार अशा चर्चांणा देखील उधाण आले होते. मात्र, अखेर भाजपचे नेते एकनाथ खडसे यांनी भाजपला रामराम करत राष्ट्रवादीचे घड्याळ हाती बांधले आहे. २३ ऑक्टोबरला म्हणजेच शुक्रवारी ते राष्ट्रवादीत प्रवेश करणार आहेत. यावरुन भाजपकडून नाराजी व्यक्त केली जात असली तरी त्यांच्या वाटचालीसाठी शुभेच्छा दिल्या जात आहेत. तर दुसरीकडे महाविकास आघाडी सरकारकडून त्यांचे स्वागत केले जात आहे.

राष्ट्रवादी काँग्रेसचे आमदार रोहित पवार यांनी खडसेंच्या राष्ट्रवादी प्रवेशावर खास ट्विट केलं आहे. “निसर्गाचाच नियम आहे, ओहोटी संपल्यानंतर भरती सुरू होते” असं सूचक ट्विट रोहित पवार यांनी केलं आहे. आपल्या ट्विटर अकाऊंटवरून त्यांनी याबाबत एक ट्विट केलं आहे. “राष्ट्रवादी काँग्रेसला ओहोटी लागली’, अशा बातम्या वर्षभरापूर्वी येत होत्या. पण निसर्गाचाच नियम आहे, ओहोटी संपल्यानंतर भरती सुरू होते. WelCome एकनाथ खडसे साहेब!” असं म्हणत रोहित पवार यांनी खडसेंचं पक्षात स्वागत केलं आहे.

राष्ट्रवादी काँग्रेसला ओहोटी लागली’, अशा बातम्या वर्षभरापूर्वी येत होत्या. पण निसर्गाचाच नियम आहे, ओहोटी संपल्यानंतर भरती सुरु होते.

WelCome

एकनाथ खडसे साहेब!@EknathGKhadse pic.twitter.com/IYjsVQ8ZMy

— Rohit Pawar (@RRPSpeaks) October 21, 2020

News English Summary: NCP MLA Rohit Pawar has specially tweeted about Khadse’s NCP entry. It is a law of nature, Rohit Pawar has tweeted that recruitment starts after low tide. He tweeted about it from his Twitter account. The NCP has taken a turn for the worse ‘, such news was coming a year ago. But the law of nature is, the tide starts after the low tide. WelCome Eknath Khadse Saheb! Saying this, Rohit Pawar has welcomed Khadse to the party.

News English Title: NCP MLA Rohit Pawar tweet after Eknath Khadse resignation to join NCP News updates.